މާލޭގެ ގަލޮޅު ރަސްމީ ދަނޑުގައި ކުޅޭ ފުޓުބޯޅަ މެޗުތައް ބެލުމަށް ވަންނަ މީހުން މަދުވެ، ފެންޖަހާ މީހާއާއި ހަމައަށް ތިރި ވެފައިވާކަމަށް މަޖިލިސް ރައީސް މުހައްމަދު ނަޝީދު ވިދާޅުވެއްޖެއެވ.
މަޖިލީހުގެ ކޮމެޓީތަކުގައި ހުރި މަސައްކަތްތަކުގެ ތެރެއިން ކުޅިވަރު ބިލާއި ގުޅޭގޮތުން މަޖިލިސް ރައީސް ވިދާޅުވީ މިބަލަކީ ބޮޑެތި އިސްލާހު ގެންނަން ޖެހޭ ބިލެއްކަމަށެވެ. ރާއްޖޭގެ ކުޅިވަރުތައް ބަލާ މީހުން މަދުވެ ކުޅިވަރުތައް އޮންނަ ސަޕޯޓް މަދުވުމަކީ ކުޅިވަރު ކުރިއެރުމަށް އޮތް ބޮޑު ހުރަހެއްކަމަށް ރައީސް ނަޝީދު ވިދާޅުވިއެވެ. ވަކިން ޚާއްސަކޮށް ފުޅުބޯޅަ ދަނޑަށް ވަންނަ މީހުންގެ އަދަދު އިންތިހާއަށް ދަށްވާކަމީ ކަންބޮޑުވާކަމެއްކަމަށް މަޖިލިސް ރައީސް ވިދާޅުވިއެވެ. ނަަވެސް ކުޅުދުއްފުށީފައި ކުޅުނު މެޗަށް ގިނަ ބަޔަކު ވަދެފައިވާކަން ރައީސް ނަޝީދު ވަނީ ފާހަގަ ކުރައްވާފައެވެ.
މާލޭ ދަނޑަށް ބޯޅަކުޅޭތައް ބެލުމަށް ކުލަބުތައް ކުޅޭއިރުގައި ފެންޖަހާ މީހާއާއި ހަމައަށް ތިިރިވެއްޖެ. ނުވަދޭ އެތަނަކަށް. އަޅުގަނޑުމެންނަށް މޮޅެއް ނުވެވޭނެ ކުޅިބަލާނެ މީހަކު ނެތްތަނެއްގައި ވަރަށް ދަތިވާނެ އަޅުގަނޑުމެންނަށް ކިތަންމެ ލަވައެއްކީ ނަމަވެސް އަދި ކިތަންމެ ޤައުމީ ޖޯޝެއް އަޅުގަނޑުމެން ނެރުނު ކަމުގައި ވިޔަސް، ކަމެއް މި ހިނގަނީ އެތައް ކަމެއްކޮށްގެން.
– ރައީސް ނަޝީދު ވިދާޅުވިއެވެ.
ކުޅިވަރާބެހޭ މިނިސްޓަރުގެ މަސްއޫލިއްޔަތުތަކާއި ބާރުތައް ކަނޑައެޅުމަށްވެސް ހިމަނާފައިވާ މި ބިލް ރައްޔިތުންގެ މަޖިލީހަށް ހުށައަޅުއްވާފައިވާނީ ހެންވޭރު ހުޅަނގު ދާއިރާގެ މެންބަރު އަދި ކުރީގެ ޔޫތް މިނިސްޓަރ ޙަސަން ލަތީފްއެވެ.
ދިވެހިރާއްޖޭގެ ކުޅިވަރުގެ ޤާނޫނަށް އިޞްލާޙު ގެނައުމުގެ ބިލު ރައްޔިތުންގެ މަޖިލީހަށް ހުށަހަޅާފައިވަނީ ދިވެހިރާއްޖޭގެ ކުޅިވަރާބެހޭ އެކިއެކި މުއައްސަސާތަކުގައި ހުރި ފުށުއެރުންތައް ނައްތާލުމާއި، އެ މުއްސަސާތައް ޑިމޮކްރަޓައިޒްކޮށް، ދެފުށް ފެންނަ ނިޒާމެއްގެ ތެރެއިން ހިންގޭނެ ނިޒާމެއް ޤާއިމްކުރުމަށްކަމަށް ބިލު ހުށައެޅުވި މެންބަރު ވިދާޅުވިއެވެ. އަދި ކުޅިވަރުގެ ވަޞީލަތްތައް ބިނާކޮށް ތަރައްޤީކުރާއިރު އެ ވަޞީލަތްތައް ދެމެހެއްޓެނިވި ގޮތަކަށް ބެލެހެއްޓޭނެ ނިޒާމެއް ޤާއިމްކުރުމާއި، އެފަދަ ވަޞީލަތްތައް ޤާއިމްކޮށް ބެލެހެއްޓުމުގައި ދައުލަތުގެ ބަޖެޓަށް ބުރަ ކުޑަވާނެ އުޞޫލެއް ޤާއިމްކުރުންވެސް ބިލް ހުށައެޅި މަޤްޞަދުތަކުގެ ތެރޭގައި ހިމެނެއެވެ.
މީގެ އިތުރުން ކުޅިވަރުގެ އެކިއެކި މުއައްސަސާތަކުގެ އިންތިޚާބުތަކަކީ ދެފުށްފެންނަ، އިތުބާރުކުރެވޭ ނިޒާމެއްގެ ތެރެއިން ހިންގޭ އިންތިޚާބުތަކެއްކަމުގައި ހެދުންވެސް މި ބިލް ހުށައެޅުމުގެ މަޤްޞަދުތަކުގެތެރޭގައި ހިމެނެއެވެ.
ކުޅިވަރު ގާނޫނު ވުޖޫތަށް އައިސްފައިވަނީ 2015ވަނަ އަހަރެވެ. ނަމަވެސް ގާނޫނުގެ ދަށުން ހަދަންޖެހޭ ގިނަ ޤަވާއިދުތަކެއް އަދިވެސް ހުރީ ނުހެދިއެވެ.
One Response
ހީކުރޭތިމަަގެހިތް އެހިސާބައްތިރިވެޖެއޭކަމައް އެބުނީ