ރައީސް ނަޝީދު އެމްޑިޕީން ވަކިކުރަން ޖެހޭކަމަށް ގޮވާލާ، އެމްޑީޕީގެ ކުރީގެ ޗެއަރ ޕާރސަން ރީކޯ މޫސާމަނިކު ނަޝީދަށް އަމާޒުކޮށް ކިޔުއްވަމުން ގެންދަވާ ފާޑު ކިޔުއްވުންތަކަށް، އެމްޑީޕީގެ ރައީސް މުހައްމަދު ނަޝީދު މިއަދު ޖަވާބު ދެއްވައިފިއެވެ.
6 މޭގެ ޓެރަރިސްޓް ހަމަލާއަށްފަހު، ފަރުވާއަށް ރާއްޖެއިން ބޭރުގައި ހުންނެވުމަށްފަހު ރާއްޖެ އެބުރިވަޑައިގެން، މަޖިލިހުގެ އިދާރާގައި ބޭއްވި ފުރަތަމަ ނޫސްވެރިންގެ ބައްދަލުވުމުގައި، އެމްޑީޕީގެ ކުރީގެ ޗެއަރޕާސްން ރީކޯ މޫސާމަނިކު، އެމްޑީޕީގެ ލީޝިޕަށް ބަދަލެއް އަންނަންޖެހޭ ކަމަށާއި، އަދި ރައީސް ނަޝީދު އެމްޑީޕީން ވަކިކުރަންޖެހޭކަމަށް ރީކޯ މޫސާމަނިކް ވިދާޅުވަމުންދާ ދިއުމާއި ގުޅޭގޮތުން ވިދާޅުވާނީ ކީކޭތޯ ނޫސްވެރިޔަކު ކުރި ސުވާލުގެ ޖަވާބުގައި ނަޝީދު ރީކޯ މޫސާމަނިކަށް ހަޖޫ ޖައްސަވާމުން މޫސައަށް ނިސްބަތް ކޮށްފައިވަނީ، އިބްރާހިމް ނާސިރުގެ ވެރިކަމުގެ ދުވަސްވަރުގައި މާލޭގައި އުޅުނުކަމަށް ބުނާ ކުޑައަލީ ކިޔާ މީހެއްގެ ވާހަކައިންނެވެ.
އެންމެ ފަހުން ތިކުރެއްވި ސަވާލާ ދޭތެރޭގައި، އަޅުގަޑުގާތުގައި މީހަކު ބުނީ މާލޭގައި އުޅުނޭ ކުޑަ އަލީ ކިޔާ މީހެއް.. ދެން އިބުރާހިމް ނާސިރާއި އަބުދުލް ހައްނަނާނު ހަލީމާ.. އަމަން އާންމުގަ އުޅުއްވަނީ އަބުދުލް ހަންނާނު ހަލީމް، ދެން މި ކުޑައަލީ ކިޔާ މީހާ އެކި އެއްޗިހި ކިޔާ..އިގޭތޯ.. ނާސިރޭ ކިގައިގެންވެސް ކިތައްމެ އެއްޗެއްވެސް ކިޔާ، ދެން އެންމެ ފަހުން ނާސިރު ވިދާޅުވީ އަބުލް ހަންނާނު އަރިހުގައި، ދެން ކުޑަ އަލީ ދޫކުށްލައިގެން އަޅުގަޑުމެންނަ ވެރިކަން ނުކުރެވޭނިއްޔާ ދެން ނުކުރާންވީ ނޫންހޭ ވެރިކަން.. ފަހު ސުވާލާ ގުޅޭގޮތުން އަޅުގަޑަށް ދަންނަވަން އޮތް އޮތް ވާހައަކީ މިދެންނެވީ.
– ނަޝީދު ވިދާޅުވިއެވެ.
މިއަދުގެ ނޫސްވެރިންގެ ބައްދަލުވުމުގައި ނަޝީދު، ރީކޯ މޫސާމަނިކު އެމަކިންފާނު އެމްޑީޕީން ވަކިކުރުމަށް ގޮވާލާ، ނަޝީދަށް އަމާޒުކޮށް ރައްދުކުރަމުންދާ ފާޑުކިޔުންތަކަށް ހަޖޫ ޖައްސަވާފައިވާއިރު، މޫސަ ފާހަގަ ވެގެން ގޮސްފައިވަނި، ފަހަކަށް އައިސް ވަރަށް ބޮޑަށް ނަޝީދަށް ފާޑު ވިދާޅުވެ އެހެނަމަވެސް ރައީސް ސާލިަހަށާއި މި ސަރުކާރަށް ވަރަށް ބޮޑަށް ތާއީދު ކުރައްވަމުން ގެންދަވާ ބޭފުޅެއްގެ ގޮތުގައެވެ.
ރައްޔިތުންގެ މަޖިލިހުގެ ހުޅު ހެންވޭރު ދާއިރާގެ ކުރީގެ މެމްބަރު ރީކޯ މޫސާ މަނިކަކީ، އެމްޑީޕީ އުފެއްދިއިރު އެޕާޓީގެ އެންމެ އިސް ސަފުގައި މަސައްކަތް ކުރެއްވި ބޭފުޅެކެވެ. އެހެންނަމަވެސް މޫސާ މަނިކާއި ނަޝީދުއާ މައްސަލަޖެހި މޫސަ އެމްޑީޕީން ވަކި ކޮށްފައިވަނީ، އެމްޑީޕީގެ ލީޑަރޝިޕަށް ވާދަކޮށް، އެޕާޓީގެ ފަރާތުން ރިޔާސީ އިންތިޚާބުގައި ވާދަކުރެއްވުމުގެ ޝައުގުވެރިކަން އޭނާ ފާޅޫކުރެއްވި ހިސާބުންނެވެ.
އަދި އެމްޑީޕީން ވަކިވިފަހުން، ފާއިތުވެދިޔަ ރިޔާސީ އިންތިޚާބުގައި ރީކޯ މޫސަވަނީ ޕީޕީއެމްއާއި ގުޅިވަޑައިގެން ރައީސް ޔާމިންއަށް 2018ގެ ރިޔާސީ އިންތިޚާބު ކާމިޔާބު ކޮށްދިނުމަށް މަސައްކަތް ކޮށްދެއްވާފައެވެ.
3 Responses
konthaaku reekoa Noosa ulhunee RY ah inthikhaabu kaamiyaabu koh dheykah noon PPM falhan ulhunee RY ah heo edhey meeheh nama RY ariahugaa abadhuves hunnaane.
ކޮބާތޯ ރީކޯގެ އުރައްޕެތް އަދި ރައްޔިތަކަށް ކޮށް ދިން ކަމެއް. ނަސީދަކަސް ޔާމީނަކަސް ރީކޯ ގިންތި ކުރެވެނީ ހާދިމުންގެ ތެރެއިން ކިހާ އޯގާތެރި މީހެއްގެ ގޮތުގައި ތޯ؟ ރީކޯ ކިޔަނީ ފާޑު. އެހެން މީހުން ރީކޯއަށް ޖަހަނީ ހަޖޫ ދެއްތޯ.
މިސާލުލ ޖެހުމަކީީ ހަޖޫޖެހުންބާާ މޫސަޔަކަންް ހަޖަމެންނުވިދޯޯ ކޮބާބޮޑުއަގަ