އެންމެ ކުޑަ އުޖޫރައިގެ ގޮތުގައި ދެވޭނެ އެންމެ ދަށް މިންވަރަކީ 5،700 ރުފިޔާ ކަމަށް މިނިމަމް ވޭޖް ބޯޑުން ކަނޑައަޅައި، އެ ލަފާ އިކޮނޮމިކް މިނިސްޓްރީއަށް ދޭން ނިންމައިފިއެވެ.
އެ ބޯޑުން ރޭ ނިންމި ނިންމުމުގައި ބުނެފައިވާ ގޮތުގައި، ސިވިލް ސާވިސްގެ އެންމެ ދަށް މުސާރަ އަކީ ދާއިމީ މުވައްޒަފަކަށް 7000ރ. އެވެ. އެއީ ހަ ގަޑިއިރުގެ މަސައްކަތަށެވެ. ކުދި ވިޔަފާރިތަކުން، ދުވާލަކު އަށް ގަޑިއިރަށް ބަލައިގެން މަހަކު ދޭން ޖެހޭ އެންމެ ކުޑަ މުސާރަ އަކީ 5،700ރ. އެވެ. މެދުފަންތީގެ ވިޔަފާރިތަކުން މަހު މުސާރައިގެ ގޮތުގައި އެންމެ ކުޑަވެގެން ދެވޭނެ އަދަދަކީ 8،000ރ. އެވެ. އެއީ ވެސް އަށް ގަޑިއިރުގެ މަސައްކަތަށެވެ. ބޮޑެތި ވިޔަފާރިތަކުން މުސާރައިގެ ގޮތުގައި މަހަކު 10،200ރ. އެވެ.
މިނިމަމް ވޭޖް ކަނޑައެޅުމަށްޓަކައި އިކޮނޮމިކް މިނިސްޓަރަށް ލަފާ ދިނުމަށް 11 މެމްބަރުން އެކުލެވޭ ބޯޑެއް އޮވެއެވެ. އެންމެ ކުޑަ އުޖޫރަ ކަނޑައަޅާނީ ބޯޑުން ދޭ ލަފާގެ މަތިން އިކޮނޮމިކް މިނިސްޓަރެވެ. އެންމެ ކުޑަ އުޖޫރައިގެ ގޮތުގައި ދެވޭނެ މިންވަރު އިއުލާންކުރަން އެތައް ތާރީހުތަކެއް ކަނޑައެޅިއެވެ. ތާރިހުތައް ފަހަނައަޅައި ދިޔައިރުވެސްް އެކަން އޮތީ ނުވެފައެވެ.
ބިދޭސީންނަށް ދެވޭނެ އެންމެ ދަށް މުސާރަ އަދި ވަނީ ކަނޑަނާޅަ އެވެ. ރޭ ކަނޑައެޅި އަދަދުތަކަކީ މި ވަގުތު ހަމައެކަނި ދިވެހިންނަށް އެކަނި ކަނޑައެޅި އަދަދުތަކެކެވެ މިނިމަމް ވޭޖް ބޯޑުން މި ފާސްކުރީ ސަރުކާރުން ހުށަހަޅާފައިވާ ހުށަހެޅުމެވެ. މިގޮތަށް އަމަލުކުރަން ފަށާނީ އިކޮނޮމިކް މިނިސްޓަރު މި ލަފާ ފާސްކުރާ ހިސާބުންނެވެ.
ތަފްސީލް އަންނަނީ..
