2003 ވަނަ އަހަރު ފިލްމު އަންދާޒްއިން ބޮލީވުޑަށް ތަޢާރަފްވި ލާރާ ދައްތާ އަކީ މަދު ފިލްމުތަކަކުން ފެނުނު އެކްޓްރެސްއެއް ނަމަވެސް ގިނަ ބައެއްގެ އިހުތިރާމާއި ލޯބި ހޯދާފައިވާ އެކްޓަރެސްއެކެވެ. މާގިނަ މަސައްކަތްތަކުން ލާރާ ފެނިގެން ނުދަނީ ދިރިއުޅުމުގެ އެހެން ކަންކަމަށް އިސްކަންދީގެން މެނޭޖުކުރަންޖެހުމުންކަމަށް ބެލެވެއެވެ.
2011ވަނަ އަހަރު މަޝްހޫރު ޓެނިސް ކުޅުންތެރިޔާ މަހޭޝް ބުޕާތީއާއި ލާރާގެ ކައިވެންޏަށް އެއް އަހަރުފަހުންވަނީ އަންހެން ދަރިއަކު ލިބިފައެވެ. ލާރާ ބުނެފައިވަނީ ދަރިފުޅަށް ބަނޑުބޮޑުކަން އެގުނު ހިސާބުން ދެމަފިރިން އެކަކު އަނެއްކަކަށް ވައުދެއްވީ ކަމަށެވެ. އެވައުދަކީ ދިރިއުޅުމުގެ ކޮންމެ ވަގުތެއްގައިވެސް މަންމަ ނޫނީ ބައްޕަ އަބަދުވެސް ދަރިފުޅުގެ ކައިރީގައި ހުރުންކަމަށެވެ.
އަދި ފާއިތުވެގެން ދިޔަ 10 އަހަރުގެ ތެރެއިން އެންމެ ވަގުތަކުވެސް ދައިފުޅާއެކު މަންމަ ނުވަތަ ބައްޕަ ނެތިފާއިތު ނުވާކަމަށް ބުނަމުން ލާރާ ބުނެފައިވަނީ 10 އަހަރު ދެމީހުންވެސް އެކަކު އަނެއްކަކަށްކުރި ވައުދު ވަރަށް ރަގަނޅަށް ފުއްދާފައި ވާކަމަށެވެ. ލާރާ ފިލްމުތަކުގެ މަސައްކަތަށް ދާން ޖެހޭނަމަ ދަރިފުޅުގެ ކައިރީ ބައްޕަ މަހޭޝް ހުންނަ ކަމަށާއި އޭނާގެ މަސައްކަތްތައް ރާވާއިރު ވަރަށް ބޮޑަށް މަހޭޝްގެ މުބާރާތްތަކާއި މެޗުތަކަށް ވިސްނަންޖެހޭކަމަށް ލާރާ ބުނެފައިވެއެވެ. ޒޫމަށް ދިން އިންޓަވިއުގައި ލާރާ ބުނެފައިވަނީ މިގޮތަށް އެކަކު އަނެއްކަކުގެ މަސައްކަތަށް އިޙުތިރާމުކޮށް ދަރިފުޅަށް ވަގުތުދީގެން މަސައްކަތް ކުރެވުމަކީ އެގުޅުމަށް ދެމީހުންކުރާ އިޙުތިރާމުވެސް ބޮޑުވާ ކަމެއްކަމަށެވެ.
View this post on Instagram
މި އިންޓަވިއުގައި ލާރާ ވަނީ އޭނާގެ އެންމެ ފަހު ފިލްމް "ބެލްބޮޓަމް"ގެ ސެޓުގައި އިންދިރާ ގާންދީގެ ބައިކުޅުމަށް އޭނާ ތައްޔާރުވެފައިވާތަން ފެނި ދަރިފުޅު ސައިރާ އާއި ފިރިމީހާގެ ރިއެކްޝަންވެސް ކިޔައިދީފައެވެ. އިންދިރާ ގާންދީ އާ ވައްތަރުވުމަށް މޭކަޕު ކޮށްފައި ހުއްޓާ ފެނުމުން ދަރިފުޅު ދެރަވެ، އެމީހުން މަންމަ މަރާލަފާނޭވެސް ބުނިކަމަށް ލާރާވަނީ ކިޔައިދީފައެވެ. އަދި މޫނުގެ ބައެއް ތަންތަނުގައި އަތްލުމަށް ދަރިފުޅު ބޭނުންވި ކަމަށާއި އެމޭކަޕު ފެނި ދަރިފުޅު ވަރަށް ހައިރާންވިކަމަށްވެސް ލާރާ ބުނެފައިވެއެވެ.
ފިރިމީހާގެ ބަސްތައް އައީ މުޅިން ތަފާތުކޮށް ކަމަށް ބުނަމުން ލާރާ ބުނެފައިވަނީ ފިރިމީހާ ވަނީ އޭނާ ގައިގާ ބައްދާލުމަށްވެސް ދެކޮޅު ހަދާފަ ކަމަށެވެ. އަދި ތިއީ އެހެން މީހެއްކަމަށްބުނެފައިވާ ކަމަށްވެސް ލާރާ ހިނިތުންވަމުން ބުންޏެވެ.
ލާރާ ވަނީ ބޮލީވުޑުގެ މަޝްހޫރު "ހައުސްފުލް"، "ނޯ އެންޓްރީ"، "ޖުރުމް" އަދި "ކާލް" ފަދަ ފިލްމުތަކުން ބެލުންތެރިންގެ ލޮތްބާއި އިޙުތިރާމުހޯދާފައެވެ.
