ރައްޔިތުންގެ މަޖިލިހަށް މިހާރު ހުށަހެޅިގައިވާ ހެއްކާބެހޭ ބިލުގައި މީޑިއާގެ މިނިވަންކަމަށް ހުރަސް އެޅޭ މާއްދާއެއް އޮތްކަމަށް ބުނެ މީޑިއާތަކުން ފާޅުކުރަމުންދާ ކޮންބޮޑުވުންތަކާއި ގުޅިގެން، މިހާރު މަޖިލިހަށް ހުށަހެޅިފައިވާ ހެއްކާބެހޭ ބިލުގައި މިމާއްދާ އޮތީ އޮސްޓްރޭލިއާގެ މޮޑެލްއާއި އެއްގޮތަށްކަމަށް ވިދާޅުވެ، މިބިލުގައި، ނޫސްވެރިން ލިޔާ ހަބަރުތަކުގެ މަސްދަރު، ބައެއް ހާލަތްތަކުގައި ހާމަކުރަން ޖެހޭ ގޮތަށް އޮތް އޮތުން ރައްޔިތުންގެ މަޖިލިހުގެ ރައީސް މުހައްމަދު ނަޝީދު ދިފާޢު ކުރައްވާއިފިއެވެ.

ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާފައިވާ ހެއްކާބެހޭ ބިލުގައި ޤާނޫނުއަސާސީގެ 28 ވަނަ މާއްދާއިން ކަށަވަރުކޮށްދީފައިވާ ނޫސްވެރިކަމުގެ މިނިވަންކަމުގެ ޙައްޤަށް އުނިކަން ލިބޭނެފަދަ މާއްދާއެއް ހިމަނާފައިވުމަކީ، ނުހަނު ކަންބޮޑުވާ ކަމެއްކަމަށްބުނެ މީޑިއާގެ ގިނަ ފަރާތްތަކުން ކަންބޮޑުވުން ފާޅުކުރަމުން ދަނިކޮށް، މިއަދު ނަޝީދު ކުރެއްވި ޓުވީޓެއްގައި ވިދާޅުވެފައިވަނީ، މަޖިލިހަށް މިހާރު ހުށަހެޅިފައިވާ ހެއްކާބެހޭ ބިލުގައި ނޫސްވެރިކަމުގެ މިނިވަންކަން އެކަށައެޅިފައި އޮތްގޮތާއިމެދު މީޑިއާގެ ފަރާތްތަކުންނާއި އަދި އިންސާނީ ހައްގުތަކަށް ވަކާލާތުކުރާ ފަރާތްތަކުގެ ކަންބޮޑުވުން އޮތްކަން ފާހަގަކުރައްވާ ކަމަށް ވިދާޅުވެފައި ވެއެވެ.

އަދި މި މިނިވަންކަން މިހާރު މަޖިލީހަށް ހުށެހެޅިފައި އޮތް ހެއްކާބެހޭ ބިލުގައި ބަޔާން ކޮށްފައިއޮތީ އޮސްޓްރޭލިއާގެ މޮޑެލްއަށް ކަމަށް ވި ނަމަވެސް، މިހާރުގެ ބިލް އިތުރަށް އިސްލާހު ކުރެވިދާނެ ކަމަށް ދައުލަތުގެ ބަންޑާރަ ނައިބު ވިދާޅުވެފައިވާ ކަމަށްވެސް ނަޝީދުގެ ޓުވީޓުގައި ވިދާޅުވެފައި ވެއެވެ. އަދި ނަޝީދު ވިދާޅުވީ، ރާއްޖޭގައި މީޑީއާގެ މިނިވަންކަން އޮތުމަކީ އެންމެ އިސްކަން ދެއްވާނެ ކަން ކަމުގައެވެ.

Noting concerns expressed by media freedom and human rights groups about the Evidence Bill in Majlis: The feature relating to journalists is based on an Australian model but the AG feels that it can be amended. Press freedom in Maldives must be our first priority always.

— Mohamed Nasheed (@MohamedNasheed) September 28, 2021