އެމެރިކާގެ ސެކްރެޓަރީ އޮފް ސްޓޭޓް މައިކް ޕޮމްޕެއޯ މިއަދު ރާއްޖެއަށް ކުރެއްވި ދަތުރުފުޅުގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް ނަޝީދު އެއްވެސް މަންޒަރަކުން ނުފެނުމުން ގިނަބަޔަކު އެކަމާއި ސުވާލު އުފައްދައިފިއެވެ.
ޕޮމްޕެއޯ މިއަދު ރާއްޖެއަށް ކުރެއްވި ދަތުރުފުޅުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުއާއި، ފޮރިން މިނިސްޓަރ އަބްދުﷲ ޝާހިދުއާއިވެސް ވަނީ ބައްދަލުކުރައްވާފައެވެ. މިބައްދަލު ކުރެއްވުންތަކުގައި ބައިނަލްއަޤްވާމީ މައިދާނުގައި ގުޅުން ބަދަހިކުރުން އިތުރުކުރުމާއި، ވިޔަފާރީގެ ގުޅުންތަކާއި އިންވެސްޓްމެންޓުތައް އިތުރުކުރުމާ ގުޅޭގޮތުން ވަނީ މަޝްވަރާކުރައްވާފައެވެ.
މީގެއިން އެއްވެސް ބައްދަލުވުމަކުން ބައިނަލް އަޤުވާމީ މައިދާނާއި ގުޅުންބަދަހިކަމަށް ވަކާލާތު ކުރައްވާ ރައީސް ނަޝީދު ނުފެނުމަކީ ގިނަބައެއްގެ ސުވާލެކެވެ. ރައީސް ނަޝީދަށް ޕްމްޕެއޯއާއި ބައްދަލުވެފައިނުވާތީ އެކަން ފާހަގަކޮށް އިދިކޮޅު ޕީއެންސީގެ ރައީސް އިބްރާހިމް ޝުޖާ ކުރެއްވި ޓްވީޓްގައި ވިދާޅުވީ ރައީސް ނަޝީދު ޕޮމްޕެއޯއާއި ބައްދަލުކުރައްވަން ބޭނުންފުޅުވިޔަސް އެފުރުސަތު ސަރުކާރުން ދެއްވާފައި ނުވާކަމަށެވެ. އަދި މިކަމާއި ރައީސް ނަޝީދު ވަރަށްބޮޑަށް ހިތްޕުޅު ހަމަނުޖެހިފައި ހުންނެވިކަމަށް ޝުޖާއު ވަނީ ވިދާޅުވެފައެވެ.
Mauloomaathu libey gothugai Sarukaarun America ge Secretary of State @SecPompeo appointment eh @MohamedNasheed ah hama nujjesumun RN varah bodah rulhi dhuru vejje. America in RN aa badhalu kuran maa interest eh netho @abdulla_shahid eba vidhaalhuve. Kobaiba Hageegathakee ??
— Ibrahim Shujau ? (@shuja3831) October 28, 2020
އެމެރިކާގެ ސެކްރެޓަރީ އޮފް ސްޓޭޓް މައިކް ޕޮމްޕެއޯ މިސަރަހައްދުގެ ބައެއް ޤައުމުތަކަށް ކުރައްވާ ދަތުރުފުޅުގައި ވަނީ އިންޑިޔާއާއި، ލަންކާއަށްވެސް ވަޑައިގެންފައެވެ. މި ދެ ޤައުމަށް ކުރެއްވި ދަތުރުފުޅުގައިވެސް ޤައުުގެ އެންމެމަތީ އިސްވެރިންނާއި ވަނީ ބައްދަލުކުރައްވާފައެވެ.
ސެކްރެޓަރީ ޕޮމްޕެއޯ ރާއްޖެއަށް ޒިޔާރަތްކުރައްވާފައި މި ވަނީ، އޭޝިޔާގެ ބައެއް ޤައުމުތަކަށް މިހާރު ކުރައްވަމުން ގެންދަވާ ޒިޔާރާތުގެ ދަށުންނެވެ. މިއީ، 1992 ވަނަ އަހަރު އެމެރިކާގެ ސެކްރެޓަރީ އޮފް ސްޓޭޓް ޖޭމްސް އެޑިސަން ބޭކަރ ރާއްޖެއަށް ކުރެއްވި ޒިޔާރާތަށް ފަހު، އެ ޤައުމުގެ ސެކްރެޓަރީ އޮފް ސްޓޭޓްގެ މަޤާމު ފުރުއްވަމުން ގެންދަވާ ބޭފުޅަކު ރާއްޖެއަށް ޒިޔާރަތްކުރައްވާ ފުރަތަމަ ފަހަރެވެ. އަދި މިއީ، ދިވެހިރާއްޖެއާއި އެމެރިކާއާ ދެމެދު މިހާރު ވެސް އޮތް ބަދަހި ގުޅުންތައް، އިތުރުށް ހަރުދަނާވަމުންދާކަން ރަމްޒުކޮށްދޭ ދަތުރުފުޅެކެވެ.
އެމެރިކާގެ ޚާރިޖީ ވަޒީރު މައިކް ޕޮމްޕެއޯގެ މި ދަތުރުފުޅަކީ 1992 ވަނަ އަހަރުގެ ޖުލައި މަހުގެ 24 ވަނަ ދުވަހު އެމެރިކާގެ އޭރުގެ ޚާރިޖީ ވަޒީރު ޖޭމްސް އެޑިސަން ބޭކަރ ރާއްޖެއަށް ކުރެއްވި ރަސްމީ ދަތުރުފުޅަށްފަހު އެމެރިކާ ސަރުކާރުގެ ފަރާތުން ރާއްޖެއަށް ކުރައްވާ އެންމެ މަތީ ފަންތީގެ ދަތުރުފުޅެވެ.
ސެކްރެޓަރީ ޕޮމްޕެއޯގެ ދައުވަތަކަށް މިނިސްޓަރ ޝާހިދު ވަނީ 2019 ފެބްރުއަރީ 19 ވަނަ ދުވަހު އެމެރިކާގެ ވެރިރަށް ވޮޝިންޓަންއަށް ވަޑައިގެން ސެކްރެޓަރީ ޕޮމްޕެއޯ އާ ބައްދަލުކުރައްވާފައި.
