އަދާލަތު ޕާޓީއަކީ ދިވެހި ދައުލަތަށް ނަގަންޖެހިފަ އޮތް ބޮޑު ލައިބިލިޓީއެއްކަމަށް، ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިއަދު ކުރެއްވި ޓުވީޓެއްގައި ވިދާޅުވެފައިވަނީ، ކޯލިޝަންއެކޭ ކިޔައިގެން ސަރުކާރެއް އުފެދޭއިރަށް "މަސްބައި އަޅާހެން" ބައި އަޅަން ޖެހޭ ކަމަށާއި، އެހެންނަމަވެސް އެޕާޓީއަކީ މަޖިލިސް މެމްބަރެއްވެސް ނެތް ޕާޓީއަކަށް ވާއިރު، އެޕާޓީއަކީ އެއްވެސް ރައުސުލްމާލެއް ނެތް ޕާޓީއެއް ކަމުގައެވެ. އެހެންކަމުން އެއީ މިހާރު އުވާލަން ޖެހިފައިވާ ޕާޓީއެއްކަމުގައި މުސްތަފާ ވިދާޅުވިއެވެ.
Adhaalathu party akee Dhivehi Dhaulathah jehifa oi bodu Liability eh, Coalition ekey kiyaa gen sarkaareh ufedhey irah “mas bai alhaahen bai alhan jehey.
Adhaalathu party akee mi haaru uvaalan jehey party eh.
Majilis Membareh ves neh Siyaasee eh ves Rausmaaleh neiy ba Eh.— Mohamed Musthafa (@Thimarafushi) September 5, 2021
މުސްތަފާ ވިދާޅުވީ ކޮންމެ ސަރުކާރެއްވެސް އުފެދޭއިރަށް އެޕާޓީއަށް ޢަނީމާ މުދަލުން ބައި އަޅަންޖެހޭ އެއްވެސް ސަބަބެއް ނެތްކަމަށާއި، އެޕާޓީއަކީ އެމްއާރުއެމްއާވެސް ތަފާތު ޕާޓީއެއް ކަމުގައެވެ.
މުސްތަފާ ވިދާޅުވި ގޮތުގައި، އެމްއާރުއެމްގައި ގައުމުގައި 30 އަހަރު ވެރިކަން ކުރެއްވި ބޭފުޅަކު އެބަހުންނެވި ކަމަށާއި އަދި އެބޭފުޅާއަށް ޚާއްސަ އިނާޔަތެއް އޮންނަން ޖެހޭކަމަށް ރައްޔިތުންވެސް ގަބޫލުކުރާ ކަމުގައެވެ.
ތިމަރަފުށީ ދާއިރާގެ ކުރީ މެމްބަރު މުހައްމަދު މުސްތަފާއަކީ، ރައީސް ޔާމިންގެ ސަރުކާރާ ދެކޮޅަށް މަޖިލިހުގެ ތެރޭގައި އޭރު މަސައްކަތް ކުރި 12 މެމްބަރުންގެ ތެރޭގައި ހިމެނޭ ބޭފުޅެކެވެ. އަދި މި ސަރުކާރު ވެރިކަމަށް އައުމަށް ކުރި ކެމްޕޭނުގައިވެސް ބައިވެރިވެ ވަޑައިގެންނެވި މުސްތަފާ މިހާރު މަސައްކަތް ކުރައްވަމުން ގެންދަވަނީ މިސަރުކާރާ ދެކޮޅަށެވެ.
އަދި މީގެ އިތުރުން މުސްތަފާ ފަހަކަށް އައިސް ފާހަގަ ކުރެވިފައިވަނީ، ރައީސް ސާލިހާ ރައީސް ނަޝީދާ ދެބޭފުޅުންގެ މެދުގައި އުފެދިފައިވާ ކޯޅުންތަކުގައި، ރައީސް ނަޝީދު ފަޅިއަށް ވަރަށް ބޮޑަށް ތާއީދު ކުރައްވަމުން ގެންދަވާ ބޭފުޅެއްގެ ގޮތުގައެވެ.
ކޮމެންޓު ފޮނުވާ