ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ފަސް އަހަރަށް ޖަލަށްލުމަށް ހުކުމް އިއްވެވި ފަނޑިޔާރު ޢަލީ ރަޝީދު، ސުޕްރީމް ކޯޓްގެ ފަނޑިޔާރުންގެ ބެންޗުގައި ކުރިއަށް އޮތްތަނުގައި ނުއިންނަވާނެކަމަށް ޕީޕީއެމްގެ ނާއިބު ރައީސް އަދި މާލެ ސިޓީ ކައުންސިލްގެ މެންބަރު އިބްރާހީމް ޝުޖާޢު ވިދާޅުވެއްޖެއެވެ.
ރޭ އިދިކޮޅުން އިންތިޒާމްކޮށްގެން މާލޭ ކާނިވާ ސަރަހައްދުގައި ބޭއްވި "އައްޑަނަ" ޖަލްސާގައި ވާހަކަފުޅު ދައްކަވަމުން ޝުޖާޢު ވިދާޅުވީ، ރައީސް ޔާމީންގެ މައްޗަށް ޙުކުމް އިއްވެވި ފަނޑިޔާރުންގެ މައްސަލަ ބައްލަވާނެކަމަށެވެ. އޭނާ ވިދާޅުވީ 2023ގައި ޤާއިމްކުރެވޭނީ ޕީޕީއެމްގެ ސަރުކާރެއްކަމަށާއި، އެ ސަރުކާރުގައި އެ ފަނޑިޔާރުންގެ މައްސަލަ ބެލޭނެކަމަށެވެ. ޝުޖާޢު ވިދާޅުވީ، ރައީސް ޔާމީންގެ މައްޗަށް ޙުކުމް އިއްވެވި ބެންޗުގައި ހިމެނިވަޑައިގެންނެވި ފަނޑިޔާރުންނަށް ވަޒީފާގެ ކުރިއެރުން ދެއްވަނުން އުޅުއްވާކަން އެނގިވަޑައިގަންނަވާނެކަމަށާއި، ޕީޕީއެމްގެ ވެރިކަމެއްގައި ހައިކޯޓުގައިވެސް އެ ފަނޑިޔާރުން ނުއިންނަވާނެކަމަށް ވިދާލުވެ ޝުޖާއު ވަނީ އެ ފަނޑިޔާރުން ތިއްބަވާނީ ޖަލުގައިކަމުގެ އިންޒާރު ދެއްވާފައެވެ.
ހައިކޯޓުގެ މަގާމެއް ނޫން އަޅުގަނޑުމެން ދޭނީކީ. ޒައްގޫމް ކާންދޭނީ. ހަރާމް ހުކުމްކޮށްފައި ސަލާމަތަކުން ނުތިބެވޭނެ. އިރާދަކުރެއްވިއްޔާ މިއަންނަނީ އެނބުރި ވެރިކަމަށް…
– އިބްރާހީމް ޝުޖާޢު
ރައީސް ޔާމީނަށް ޙުކުމް އިއްވެވުމުގައި އެންމެ އިސްކޮށް ހުންނެވީ ޢަލީ ރަޝީދުކަމަށާއި،އޭނާވެސް ޖަލަށް ލައްވާނެކަމަށް ޝުޖާޢު ވިދާޅުވިއެވެ.
ޝުޖާޢު މިހެން ވިދާޅުވެފައިވާއިރު، ރައީސް ޔާމީން ފަސް އަހަރަށް ޖަލަށްލައި 5 މިލިއަން ޑޮލަރުން ޖޫރިަނާކުރި ޙުކުމް އިއްވެވި އޭރު ކްރިމިނަލް ކޯޓުގެ އިސް ޤާޟީއަކަށް ހުންނެވި އަޙްމަދު ޙައިލަމް ސަސްޕެންޑުކުރައްވާ އިސް ޤާޟީއަކަށް ޢަލީ ރަޝީދުއ ައްޔަންކުރެއްވުމަށްފަހުއެވެ. އަދި އޭގެ ފަހުން ޢަލީ ރަޝީދު ވަނީ ސުޕްރީމް ކޯޓުގެ ފަނޑިޔާރަކަށް އައްޔަންކުރައްވާފައެވެ.
ސަރުކާރަށް ފާޑުވިދާޅުވެ ވާހަކަފުޅު ދައްކަވަމުން ޝުޖާއު ވިދާޅުވީ، މި ސަރުކާރުގައި ތިއްބެވީ "ވަގުން"ކަމަށާއި، އެންމެ ފަހުވަގުތު އެބޭފުޅުން ރައިސް އިބްރާހީމް މުޙައްމަދު ޞާލިޙް ދޫކޮށްވަޑައިގަންނަވާނެކަމަށެވެ.
2 Responses
ގޭގައި މަޑުންހުރިނަމައެއްވެސް ހުކުމެއް ނުކުރާނެ
ދުނިޔޭގައި ނެތްނަމަވެސް އެއްވެސް ހުކުމެއް ނުކުރީސް