ދުނިޔެ މަތީގައި ލިބޭ އާރާއި ބާރަކީ ތާއަބަދަށް އޮންނާނެ އެއްޗެއް ނޫންކަމަށް މާލެ ސިޓީ ކައުންސިލްގެ ކުރީގެ މޭޔަރު ސިފާ މުހައްމަދު ވިދާޅުވެއްޖެއްޖެއެވެ.

އެމްޑީޕީގެ ވެރިކަމަށް ގެނައުމަށް ގިނަ ގުރުބާނީތަކެއް ވެފައިވާ މީހުން މަގުމަތިވެ، އަޅާނުލާތީ އެކަމުގެ ކަންބޮޑުވުން ފާޅުކޮށް މީހަކު ކުިރ ޓްވީޓަކާއި ގުޅިގެން ސިފާ ވިދާޅުވީ ލިބިފައިވާ އާރަކާއި ބާރަކީ ތާއަބަދަށް އޮންނާނެ އެއްޗެއް ނޫންކަމަށެވެ. އަދި އެމްޑީޕީގެ ގްރާސްރޫޓް މާޔޫސްކޮށްލުމަށް ބަޔަކު ކުރާ ކަންކަމުން އެމީހުންނަށް އުފާ ލިބުނު ކަމުގައި ވީނަމަވެސް އެއީ ދާއިމީ ކަމެއް ނޫންކަމަށް ސިފާ ވިދާޅުވިއެވެ.

އެމްޑީޕީގެ ގްރާސްރޫޓް މާޔޫސްކުރަން ކުރާ ކަންކަމުން ބަޔަކަށް އުފާ ލިބުނަސް އެއީ ދާއިމީ ކަމެއްނޫން. އާރާއި ބާރަކީ ދާއިމީ ކަމެއްނޫން.

– ސިފާ ވިދާޅުވިއެވެ.

MDP grass root maayoos kuran kuraa kankamun bayakah ufaalubunas eei dhaaimee kameh noon . Aarai baaraki dhaaimee kameh noon. https://t.co/Yfj5fgxP8M

— Shifa Mohammed??? (@SifaMohammed) August 31, 2021

ސިފާ މިފަދަ ޓްވީޓެއް ކުރައްވާފައިވަނީ އެމްޑީޕީގެ އެކި ކަންކަމުގައި އެންމެ އިސްކޮށް އަބަދުވެސް ހަރަކާތްތެރިވާ މަޖީދު (މަޖީދު ސަރ) ގެ ފޮޓޯއަކާއިއެކު މީހަކު ކުރި ޓްވީޓަކާއި ގުޅިގެންނެވެ. މަޖީދަކީ އެމްޑީޕީގެ ކޮންމެ އިވެންޓެއް ބޭއްވިޔަސް އެކަމެއް ރާވައި ހިންގުމުގައި އެންމެ އިސްކޮށް ހަރަކާތްތެރިވާ ބޭފުޅާއެވެ. ދެގޮތެއްނުވެ އެމްޑީޕީގައި މަޖީދު ކުރި މަސައްކަތަށް ވެރިކަން ލިބުމުން އެއްވެސް އަޅާލުމެއް ނުދިންކަމަށް ޓްވީޓު ކުރި މީހާ ބުނެފައެވެ.

އެމްޑީޕީ ތެރޭގައި ރައީސް ޞާލިހާއި، ރައީސް ނަޝީދުގެ މެދުގައި ސިޔާސީ ބޮޑު ވާދަވެރިކަމެއް އޮތް އިރު، ދެބޭފުޅުންނަށް ތާއީދު ކުރައްވާ ބޭފުޅުން ގެންދަވަނީ ކުރިއަށް އޮތް ޤައުމީ މަޖިލިސް ކާމިޔާބް ކުރެއްވުމަށް ވަރަށް ވަރުގަދައަށް ކެމްޕެއިން ކުރައްވަމުންނެވެ. އެމްޑީޕީ ތެރޭގެ ކޮންޓްރޯލް ރައީސް ޞާލިހުގެ އަތްޕުޅުގައި މިހާރު އޮތްއިރު، ޤައުމީ މަޖިލިސްވެސް ރައީސް ޞާލިހަށް ތާއީދު ކުރައްވާ ކެނޑިޑޭޓުން ކާމިޔާބު ކުރާނެކަމަށް ގިނަ ބަޔަކު ދަނީ ބުނަމުންނެވެ.