މިހާރު އޮތް ރައްޔިތުންގެ މަޖިލީހުގެ ކޮމެޓީއެއްގެ ނާއިބް މުޤައްރިރުކަންވެސް ދެއްވާފައި ނުވާކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
ކޯވިޑް-19އާއި ގުޅިގެން މަޖިލީހުގެ ޖަލްސާތަކަށް ދޮޅު އަހަރެއްހާ ދުވަހު ހާޒިރު ނުވާ ސަބަބު ތަފްސީލް ކޮށްދެއްވަމުން ޤާސިމް ވިދާޅުވީ މަޖިލީހަށް ވަޑައި ނުގެންނެވީ، ޑޮކްޓަރުންގެ ލަފާގެ މަތީންކަމަށެވެ. އަދި އެމަނިކުފާނަކީ ކޯވިޑްގެ އެންމެ ސެންސިޓިވް ކެޓަގަރީގައި ހިމެނޭ މީހަކަށްވާއިރު، އެހާލަތުގައި ޑޮކްޓަރުން ލަފާދީފައިވަނީ އެކަހެރިވެ ހުރުމަށްކަމަށް ޤާސިމް ވިދާޅުވިއެވެ.
ޤާސިމް ވިދާޅުވީ ހާލަތުން އަރައިގަނެ، މިއަދު ސަރުކާރުން އެޅި ހަރުދަނާ ފިޔަވަޅުތަކާއިއެކު، އަދަދުތައް މަދުވަމުން ދިއުމުން މިހާރު މަޖިލީހަށްވެސް ދާކަމަށެވެ. ޤާސިމް ވިދާޅުވީ ޖަލްސާތައް އޮންލައިންކޮށް ދިޔައިރު ބައިވެރި ނުވީ، މަޖިލީހުގައި ދައްކަވާ ވާހަތައްވެސް އަދި ވިދާޅުވާ އެއްޗެއްވެސް އަޑުއަހަންވެސް ބޭނުންނުވާ މެމްބަރުން ތިބުމުންކަމަށެވެ. އަދި މަޖިލީހުގެ އެއްވެސް ކޮމެޓީއެއްގެ މުޤައްރިރުކަންވެސް އަދި ނާއިބް މުޤައްރިރުކަންވެސް ދެއްވާފައި ނުވާކަމަށް ޤާސިމް ވިދާޅުވިއެވެ.
ޤާސިމް ވިދާޅުވީ މިފަދަ ގޮތަކަށް ކަންކަން އޮތް މަޖިލީހަކަށް ވަގުތު ނަގާލައި، ޞިއްޚީ ބޮޑު މަލިމަޑުކަމެއްގައި އޮތްވައި، ދިއުމަކީ އެއްވެސް ގޮތަކަށް ބޭނުންވި ކަމެއް ނޫންކަމަށެވެ. އަދި މިހާރު މަޖިލީހަށް ބަރާބަރަށް ހާޒިރުވަމުންދާކަމަށެވެ.
ރައްޔިތުންގެ މަޖިލީހުގެ މިއަހަރުގެ ފަހު ދައުރުގެ ޖަލްސާތައް ފަށާފައިވާއިރު، މިޖަލްސާގައި ޤާސިމް ބައިވެރިވެ ވަޑައިގެންފައިވަނީ ކޯވިޑްގައި ރާއްޖޭގެ ހާލަތު ގޯސްވުމާއި ގުޅިގެން މާލެ ވަޑައިނުގެން މަޖިލީހަށް ސަލާން ވިދާޅުވެ ގިނަ ދުވަސްތައް ހޭދަކުރެއްވުމަށްފަހުއެވެ. ޤާސިމް ގިނަ ދުވަސްތައް ހޭދަ ކުރައްވާފައިވަނީ ސަން އައިލެންޑް ރިސޯޓުގައެވެ. ޤާސިމް މަޖިލީހަށް ހާޒިރު ނުވަނީ ރާއްޖޭގައި ކޯވިޑްގެ ހާލަތު އޮތް ގޮތުން، އެމަނިކުފާނަކީ އެންމެ ހައިރިސްކު ލެވެލްގެ ބޭފުޅަކަށް ވުމުންކަމަށް އާއިލާއިންވަނީ ވިދާޅުވެފައެވެ. ޤާސިމްއަކީ ފާއިތުވެދިޔަ އަހަރުގައާއި، މިއަހަރުގެ މިހާތަނަށް މަޖިލީހަށް އެންމެ ގިނައިން ސަލާމް ވިދާޅުވި ބޭފުޅާކަމަށް މަޖިލީހުގެ ރައީސް މުހައްމަދު ނަޝީދު ވަނީ ވިދާޅުވެފައެވެ.
ކޯވިޑާއި ގުޅިގެން ހާލަތު ގޯސްވާ ދަނޑިވަޅުތަކުގައި މަޖިލިސްގެ ޖަލްސާތައް ކުރިއަށް ގެންދަނީ އޮންލައިންކޮށެވެ. ނަމަވެސް ހާލަތު ރަނގަޅު ވުމުން މަޖިލިސް ޖަލްސާތައް ދަނީ ތަޅުމުގައި ބާއްވަމުންނެވެ. މަޖިލީހުގެ މިހިނގާ ދައުރުގައި މެމްބަރުންގެ ތެރެއިން ހާޒިރީއަށް އެންމެ ފަރުވާ ކުޑަ މެމްބަރުންގެ ތެރޭގައި މީދޫ ދާއިރާގެ މެމްބަރު އަހުމަދު ޝިޔާމްވެސް ހިމެނެއެވެ.
2 Responses
ranyithunge hanguthan bankuran banyennoo
ހާލަތުއެހާރވަރުއިރުވެސް ދޮޅުއަހަރުއެތަނަށްނައި މުސާރަނެންގެވީކީވެތޯ…..
އެއީހަމަމުރާލިކަމުންދޮށްތޯ ..ހުރީހާކޮމެޓީގެމުގަށްރުކަންވެސް ކަލެޔަށްދޭވީ ..ހަޔާތުގެކަންފުޅެށްވެސްނެތްދޯ …މީނައެކަނިމިޤަޢުމުގާއުޅެންވީނު ..ބޮޑިވަރުބަށްކޮށްގެންހުރެވޭނެނޫ……. ގެސްޓުންއަޢުންމަދުވީބަޑަށްޖެހުނުމީހާވިށްޔަ ….