ވެރިކަން ކުރާ ކޯލިޝަންގައި ހިމެނޭ ޖުމްހޫރީ ޕާޓީގެ ސިޔާސީ މަސައްކަތް ފުޅާކުރުމަށްޓަކައި، އަތޮޅުތެރޭގެ ރަށްތަކަށް ދަތުރުތައް ފެށުމަށް އެޕާޓީން ނިންމައިފިއެވެ.
މި ބައްދަލުވުމުގައި އެޕާޓީގެ ލީޑާރ އޮނަރަބަލް ޤާސިމް އިބްރާހީމް އާއި، ޑެޕިއުޓީ ލާޑަރ އަދި މިނިސްޓަރ ޑރ ހުސެއިން ރަޝީދު ހަސަން، ޑެޕީއުޓީ ލީޑަރ އަމީން އިބްރާހިމް އާއި އެކު 29 ކައުންސިލް މެމްބަރުން ބައިވެރި ވެވަޑައިގެންނެވިއެވެ.
ޖުމްހޫރީ ޕާޓީން ރޭ ބޭއްވި އެޕާޓީގެ ކައުންސިލް ބައްދަލު ވުމުގައި، ވަނީ ޕާޓީގެ ހަރަކާތައް އިތުރަށް ފުޅާކުރުމަށާއި، އަތޮޅު ތެރޭގެ ހަރަކާތްތައް އިތުރު ކުރުމުގެ މަޝްވަރާތައް ކޮށްފައެވެ. އެގޮތުން އަތޮޅުތެރޭގެ ދަތުރުތައް ވަރަށް އަވަހަށް ފެށުމަށް ކައުންސިލުން ވަނީ ނިންމާފައެވެ.
ރޭގެ ބައްދަލުވުމުގައި ޖޭޕީގެ ސުލޫކީ ކޮމެޓީ އާއި އިސްތިއުނާފް ކޮމެޓީން ހުސެވެފައިވާ މަގާމުތަކަށް ކުރިމަތި ލާފަވާ ފަރާތަކުގެ އިންތިހާބް ވަނީ ބޭއްވިފައެވެ. މިހާރު މި ދެކޮމެޓީގެ މަސައްކަތް މިހާރު ވަނީ ނިންމާފައެވެ. މިބައްދަލުވުމުގައި ޖޭޕީގެ ހިންގުން ހަރުދަނާ ކުރުމަށް މިވަގުތު އަލަށް އުފެއްދުމަށް ފެންނަ 10 ކޮމެޓީއެއް ވަނީ ހުށަހަޅާ އަދި ކައުންސިލުން އެކަމަށް ވަނީ ރުހުންދީފައެވެ. އަދި ކައުންސިލްގެ 15 މެމްބަރުންތެރެއިން ހުސްވެފަވާ 2 މެމްބަރަކު ހޮވުމަށް ކުރިމަތިލުމަށް ފުރުސަތު ވަނީ ހުޅުވާލަން ނިންމާފައެވެ.
