އެމްއެމްޕީއާރުސީގެ ޚިޔާނާތާއި ގުޅިގެން ޔޫތު މިނިސްޓަރ އަހުމަދު މަހުލޫފްގެ މައްޗަށް ކުރުވުނު ތުހުމަތުގައި، އެސެޓްރިކަވަރީ ކޮމިޝަނުން ކުރި ތަހުގީގް ޞައްޚަ ނޫންކަމަށް ރައީސް އޮފީހުން ދެކުމުން، ކޮމިޝަނުން ކޮށްފައިވާ ތަހުގީގްތައް ޞައްޚަ ވުމާއިމެދު ސުވާލު އުފެދުމުގެ ޖާގަ އޮތްކަމަށް ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޔޫތު މިނިސްޓަރު އަހުމަދު މަހްލޫފްގެ މައްސަލާގައި ލަންކާގެ ރައްޔިތެެއްގެ ހެކިބަސް ނަގަން އެސެޓް ރިކަވަރީ ކޮމިޝަން އިން ލަންކާގައި ހުންނަ ދިވެހި އެންބަސީ މެދުވެރިކޮށް އަމަލުކޮށްފައިވަނީ ގާނޫނުތަކާއި ހިލާފަށް ކަމަށް ރައީސުލްޖުމްހޫރިއްޔާގެ އޮފީހުން އެ ކޮމިޝަނަށް އަންގައިފާއިވާކަމަށް މިޑިއާއެއްގައި ވަނީ ރިޕޯޓްކޮށްފައެވެ. އެސެޓް ރިކަވަރީ ކޮމިޝަނުން އެތަހުގީގް ކޮށްފައިވަނީ ރަނގަޅަށް ނޫންކަމަށް ރައީސް އޮފީހުން ކޮމިޝަނަށް ސިޓީއަކުން އަންގާފައިވާއިރު، މަހުލޫފްގެ މައްސަލާގައި ގޮތެއް ނުނިންމާތީ އޭނާ ދަނީ ވަރަށް ބޮޑަށް ކަންބޮޑުވުން ފާޅުކުރަމުންނެވެ.
އަދި މަހުލޫފްވަނީ އޭނާގެ ތަހުގީގް ހިންގާފައިވަނީ ޤާނޫނާއި ޚިލާފަށް ކަމަށްވިދާޅުވެ، އެކި މަރުހަލާތަކުގައި ވާހަކަ ދައްކާފައެވެ. އަދި އޭނާއަށް ކުރާތުހުމަތު ތަކާއި، ދައުވާއަކީ، ސިޔާސީ ގޮތުން ވަކި ބަޔަކު މަންފާތަކެއް ހާސިލް ކުރުމަށް ކުރާ ކަމެއްގެ ގޮތުގައި މަހުލޫފް ވަނީ ވިދާޅުވިއެވެ.
މަހުލޫފްހެ މައްސަލާގައި ރައީސް އޮފީހުން އެސެޓް ރިކަވަރީ ކޮމިޝަނަށް ފޮނުވި ސިޓީގައި ގުޅިގެން ޑރ.ޝަހީމް ވިދާޅުވީ މިތަހުގީގް ގޮސްފައިވާ ގޮތާއި، ކަން ހިނގާފައިވާ ގޮތުން ކޮމިޝަނުން މިހާތަނަށް ކޮށްފައިވާ ތަހުގީގްތައް ސައްޚަ ވެދާނެ ކަމާއިމެދު ސުވާލު އުފެދޭކަމަށެވެ. އަދި މިކަމުން އެގިގެން ދަނީ ކޮންމެ މީހަކަށްވެސް ކޮމިޝަނުން ކުރި ތަހުގީގާއި ގުޅިގެން ރައީސް އޮފީހަށް މައްސަލަ ހުށަހެޅު،ުގެ ފުރުސަތު ލިބިދީފައިވާކަމަށް ކަމުގައި ޝަހީމް ވިދާޅުވިއެވެ.
އެހެންވީމާ ތިޔަ ކޮމިޝަނުން ކޮށްފައިވާ ހުރިހާ ތަޙުޤީޤެއްގެ ޞައްޙަކަމާމެދު ސުވާލު އުފެއްދުމުގެ ޖާގަ ތިހުޅުވުނީ، ކޮމިޝަންގެ ތަޙުޤީޤުތައް އިތުރަށް ތަޙުޤީޤުކުރަން ރައީސް އޮފީހަށް ހުށަހެޅުމުގެ ފުރުޞަތު ކޮންމެ މީހަކަށް ވެސް އޮންނަންޖެހޭނެ. އެންމެނަށް ވެސް އިންޞާފު ލިބެންވާނެ.
– ޑރ.ޝަހީމް ވިދާޅުވިއެވެ.
މަހްލޫފްގެ މައްސަލާގައި ލަންކާގެ ރައްޔިތެެއްގެ ހެކިބަސް ނަގަން އެސެޓް ރިކަވަރީ ކޮމިޝަން އިން ލަންކާގައި ހުންނަ ދިވެހި އެންބަސީ މެދުވެރިކޮށް އަމަލުކޮށްފައިވަނީ ގާނޫނުތަކާއި ހިލާފަށް ކަމަށް ރައީސުލްޖުމްހޫރިއްޔާގެ އޮފީހުން ކޮމިޝަނަށް އަންގާފައިވާއިރު އެމްބަސީން އަމަލުކުރި ގޮތުގެ މައްސަލަ ލަންކާގެ ކަމާބެހޭ އިދާރާއަކުން ދަނީ ބަލަމުންނެވެ. އަދި މި މައްސަލައާ ގުޅިގެން ސަފީރު ރައްޒާގު ރޭގެ ވަގުތެއްގައި ވަނީ މާލެ ގެނެސްފައެވެ. މިއީ މި މައްސަލައާ ގުޅިގެން ސަފީރު ރާއްޖެ ގެނައި ދެވަނަ ފަހަރެވެ.
