ހަގީގީ ހާދިސާ އެއްގެ މައްޗަށް ގެނެސް ދޭ ފިލްމް "މިޝަން މަޖްނޫ" ގެ ޝޫޓިން އަލުން ސިދާތު މަލްހޮތުރާ ފަށައިފިއެވެ.
މި ފިލްމްގެ ޝޫޓިން މެދުކެނޑުމަށް ފަހު އަލުން ފަށާފައި ވާކަން ސިދާތު ވަނީ އޭނާގެ އިންސްޓަގްރާމް މެދުވެރިކޮށް އިއުލާން ކޮށްފައެވެ.
މި ފިލްމްގައި ސިދާތާއި އެކު ފެނިގެން ދާނީ ސައުތުގެ އެކްޓްރެސް ރަޝްމީކާ މަންދަނަ އެވެ. މިއީ ރަޝްމީކާގެ ފުރަތަމަ ބޮލީވުޑް ފިލްމެވެ. ރަޝްމީކާ އަކީ ޓެމިލް ފިލްމް އިންޑަސްޓްރީގައި އޭ ލިސްޓްގެ ތަރިންގެ ތެރޭގައި ހިމެނޭ ތަރިއެކެވެ.
މިހާރަކަށް އައިސް ޓަމިލް އިންޑަސްޓްރީގެ ތަރިން ބޮލީވުޑަށް ނުކުންނަ ވަރު އަންނަނީ އިތުރު ވަމުންނެވެ.
View this post on Instagram
ސިދާތު މި ފިލްމުގައި ސްޕައި އެއްގެ ރޯލު ކުޅޭ އިރު އޭނާ ވަނީ މިދިއަ އަހަރު ޑިސެމްބަރުގައި މި ފިލްމްގެ ފަޝްޓުލުކް ދައްކާލައިފައެވެ.
މި ފިލްމްގެ ޑައިރެކްޓަރަކީ ޝަންތަނޫ ބަގްޗީއެވެ. ފިލްމް ގެ ޕްރޮޑިއުސަރުންނަކީ ރޯނީ ސުކުރުވާލާއި އަމްރު ބުޓާލާ އަދި ގަރީމާ މެހްތާ އެވެ.
ތިއޭޓަރުގައި ރިލިޒްކުރުމަށް ހަމަޖެހިފައިވާ މި ފިލްމް އަޅުވާނެ ދުވަހެއް އަދި ހާމަކޮށްފައެއް ނުވެއެވެ.
