ވެރިކަން ކުރާ މައި ޕާޓީ އެމްޑީޕީ ބައިބައިވިޔަކަ ނުދެއްވާނެކަމަށް އެމްޑީޕީގެ އެންމެ އިސް ލީޑަރު ރައީސުލްޖުމްހޫރިއްޔަ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ރައީސުލްޖުމްހޫރިއްޔާ ތ.އަތޮޅުގެ ރަށްތަކަށް ކުރައްވަމުންދާ ދަތުރުތަކުގެ ތެރެއިން ތިމަރަފުށީ އެމްޑީޕީގެ މެމްބަރުންނާއި ރޭ ވަނީ ބައްދަލު ކުރައްވާފައެވެ. ރައީސްގެ ބައްދަލުވުމުގެ ޚުލާސާއެއް ހިއްސާ ކުރައްވަމުން ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ އެމްޑީޕީގެ އެންމެ އިސްލީޑަރު ތިމަރަފުށީ އެމްޑީޕީ މެމްބަރުންނާއި ބައްދަލު ކުރައްވައި، އެމަނިކުފާނު ހުންނަވާނީ އެމްޑީޕީގައިކަމަށް ވަނީ ވިދާޅުވެފައެވެ.
އެމަނިކުފާނު ވަނީ އެމްޑީޕީ ހަލާކުވެ ބައިބައިވިޔަކަ ނުދެއްވާނެކަމުގެ ޔަގީންކަން ދެއްވާފައެވެ. އަދި ޕާޓީކުރިއެރުވުމަށް ކުރަންޖެހޭ ހުރިހާ މަސައްކަތެއް ކުރައްވާނެކަމުގެ ޔަގީންކަން ރައީސް ޞާލިހު ވަނީ ދެއްވާފައެވެ.
Party ge enme iss leader ge haisiyyathun Raees @ibusolih Th.Thimarafushi MDP memberunna badhdhal kurevvun
– Hunnavaanee MDP gai
– MDP halaakuviyaka nudhevvaane
– Party kurieruvumuge harakaiy ithuru kuran jehey
– Party office hedhumah beynunva hurihaa eheetherikameh dhevvaane’ pic.twitter.com/lACGPHzSSj— Mabrook (@mabrouq) August 17, 2021
ރައީސް ޞާލިހު މިހާރު ރަށްތަކަށް ކުރައްވާ ދަތުރުފުޅުތަކުގައި އެމަނިކުފާނު ކޮންމެ ރަށެއްގައިވެސް ދިރިއުޅޭ އެމްޑީޕީގެ މެމްބަރުންނާއި ބައްދަލު ކުރައްވައެވެ. މި ފަހުން ރައީސް ގެންދަވަނީ އެމަނިކުފާނަކީ މިވަގުތު އެމްޑީޕީގެ އެންމެ އިސް ލީޑަރުކަން ހަނދާންކޮށްދެއްވަވާ ޕާޓީ ބައިބައިކޮށް ފިތުނައަށް ކުރާ މަސައްކަތްތައް ހުއްޓުވާނެ ކަމަށް ވިދާޅުވަމުންނެވެ. އަދި އެފަދަ ވާހަކަތައް ދައްކަވާ ބައެއް މެންބަރުންގެ މައްސަލަތައް ބައްލަވަން އަންގަވާފައިވާ ކަމަށްވެސް ވިދާޅުވިއެވެ. އެ ގޮތުން ރައީސް ސޯލިހް މިހާރު ހުންނެވީ އަދާލަތުގައި ނޫން ކަމެއްވެސް އެނގިވަޑައިނުގަންނަވާ ކަމަށް ވިދާޅުވެ ވިލުފުށީ ދާއިރާގެ މެންބަރު ހަސަން އަފީފް ވާހަކަ ދެއްކެވުން އެ މައްސަލަ ބައްލަވަން ރައީސް ވަނީ އެމްޑީޕީގެ ޗެއާޕާސަނަށް އަންގަވާފައެވެ.
އެމްޑީޕީގެ ތެރޭގައި ބޮޑެތި ބައިވުންތަކެއް އުޅޭއިރު، އެޕާޓީގެ ރައީސް މުހައްމަދު ނަޝީދު ގެންދަވަނީ އިދިކޮޅު ޕްރޮގްރެސިވް ކޯލިޝަނާއި ބައިއަތު ހިފުމަށް މަސައްކަތް ކުރައްވަމުންނެވެ. ނަމަވެސް ރައީސް ޞާލިހު ވިދާޅުވެފައިވަނީ ޕީޕީއެމްއާއި ބައިއަތު ހިފުމަކީ އެމްޑީޕީން ގަބޫލުކުރާނެ އަސާސެއް ނޫންކަމަށެވެ.
