ހޮނިހިރު ދުވަހު މަންދިރާ ބޭދީ ވަނީ އިންސްޓަގްރާމްގައި އޭނާގެ ޝޫޓިންގެ ފޮޓޯއެއް ހިއްސަކޮށްފައެވެ. މިއީ އޭނާގެ ފިރިމީހާ ރާޖް ކޯޝާލްގެ މަރަށް ދެމަހަށްފަހު އޭނާ އެނބުރި މަސައްކަތަށް ނުކުތް ފުރަތަމަ ފަހަރެވެ.
ޖޫން 30 ގައި މަންދިރާ ގެ ފިރިމީހާ ރާޖް، ހާޓްއެޓޭކެއް ޖެހިގެން ކުއްލިގޮތަކަށް ވަނީ މަރުވެފައެވެ. މިއާއެކު ފިލްމީ އާއިލާގެ ގިނަ ބަޔަކު ވަނީ އޭނާއަށް ތައުޒިޔާ ކިޔާފައެވެ.
އިންސްޓަގްރާމްގެ ޕޯސްޓް ހިއްސާ ކުރަމުން މަންދިރާ ވަނީ މިއީ ފުރަތަމަ ދުވަސް ކަމަށް ބުނެފައެވެ. ނަމަވެސް އޭނާ ޝޫޓިންގ ކުރިއަށް ގެންދަނީ ކޮން ފިލްމެއްގެ ކަމެއް ބުނެފައެއް ނުވެއެވެ.
މަންދިރާ ވަނީ އިންސްޓަގްރާމް ފީޑަށްވެސް ފޮޓޯއެއް ލައިފައިއެވެ. މި ފޮޓޯގައި އޭނާ ފެނިގެން ދަނީ ފެހިކުލައިގެ ސާރީއެއްގައެވެ.
މަންދިރާ ދަނީ އޭނާގެ މަސްކަތުގެ އިތުރުން އޭނާގެ ފިރިމީހާގެ މަރާ ބެހޭގޮތުން ފޭނުންނަށް ސޯޝަލް މީޑީއާގައި މައުލޫމާތު ހިއްސާކުރަމުންނެވެ.
ކޮމެންޓު ފޮނުވާ