ބޮލީވުޑްގެ މަޝްހޫރު ބަތަލާ ކަރީނާ ކަޕޫރު ދެވަނަ ދަރިފުޅުގެ ފޮޓޯއެއް މިހާތަނަށް އަދި މީޑީއާ އާއި ހިއްސާކޮށްފައެއް ނުވެއެވެ. އަދި ހަމަ އެހެންމެ އެކުއްޖާގެ ފޮޓޯއެއް މިވީހާތަނަށް ޕަޕަރާޒީންގެ ކެމެރާތަކަށް ވެސް އަރާގޮތެއް ނުވެއެވެ.
ނަމަވެސް މިދިއަ ހުކުރު ދުވަހު ކަރިނާގެ އާއިލާއިން އޭނާގެ ބައްޕަ ރަންދީރު ކަޕޫރު ގެ ގެއަށް ކުރި ޒިޔާރަތުގައި ޕަޕަރާޒީންނަށް ވަނީ ކަރީނާގެ ހަގު ދަރިފުޅު "ޖެހް" ގެ ފޮޓޯތަކެއް ލިބިފައިއެވެ. ކަރީނާ އާއި ސައިފް އަދި އެމީހުންގެ ދޮށީ ދަރިފުޅު ތައިމުރު އާއި ޖެހް މިހާރު ރާއްޖޭގައި ޗުއްޓީހޭދަކުރަމުން ދާއިރު އެމީހުން ރާއްޖެއައުމުގެ ކުރިން ވަނީ ރަންދީރުގެ ގެއަށް ޒިޔާރަތް ކޮށްފައެވެ. އަދި ކަރިޝްމާވެސް ވަނީ އެދުވަހު އެގެއަށް ގޮސްފައެވެ.
މި ޒިޔާރަތުގައި ޕަޕަރާޒީންނަށް ވަނީ ޖެހްގެ ސާފު ފޮޓޯލިބިފައެވެ. މިއީ ފެބްރުއަރީ 21 ގައި އެކުއްޖާ އުފަންވީންސުރެ ވެސް ޕަޕަަރާޒީންނަށް ލިބުނު އެންމެ ސާފު ފޮޓޯއެވެ.
View this post on Instagram
ޕަޕަރާޒީންނަށް އެންމެ ކައިރިން ޖެހް ފެނުނު ދުވަހަށް ހުކުރުދުވަސް ވީނަމަވެސް، ކަރީނާގެ ފޮތް “ކަރީނާ ކަޕޫރު ހާންސް ޕްރެގްނެންސީ ބައިބަލް” ގައި ޖެހް އާއި ކަރީނާ ފެންނަ ފޮޓޯއެއް ޝާއިއުކޮށްފައި ވެއެވެ.
ކަރީނާ އާއި ސައިފް ކައިވެނިކޮށްފައިވަނީ 2012 ވަނަ އަހަރުއެވެ. އަދި އެމީހުންގެ ފުރަތަމަ ދަރިފުޅު ތައިމޫރު ލިބިފައިވަނީ 2016 ގައިއެވެ.
