ހުޅުމާލޭގެ ބީޗް ސަރަހައްދު ތަރައްޤީ ކުރުމަށް އެޗްޑީސީން، ރައްޔިތުންގެ ޚިޔާލު ހޯދުމާއި ގުޅޭގޮތުން ބޭއްވި ބައްދަލުވުމާއިމެދު މާލެ ސިޓީ ކައުންސިލްގެ ކަންބޮޑުވުން އޮތީ އިޚްތިޞާސްގެ މައްސަލާގައި ކަމަށާއި، އެކަމުގައި ކައުންސިލަށް ބަސް ބުނެވޭނެކަމަށް ކައުންސިލްތަކުގެ ބަލަދުވެރި ފަރާތްތަކަމުގައިވާ އެލްޖީއޭގެ ސީއީއޯ އަފްޝަން ލަތީފް ވިދާޅުވެއްޖެއެވެ.
ހުޅުމާލޭގެ ބީޗް ސަރަހައްދު ތަރައްޤީ ކުރުމަށް އެޗްޑީސީން، ވަނީ ހުޅުމާލޭގެ ރައްޔިތުންގެ މަޝްވަރާ ހޯދާފައެވެ. ކްލަބް ހައުސް މެދުވެރިކޮށް ބޭއްވި މިބައްދަލުވުމާއި ގުޅިގެން މާލެ ސިޓީ ކައުންސިލުން ވަނީ ބަޔާނެއްވެސް ނެރެފައެވެ. މިކަމާއި ގުޅިގެން އަފްޝަންގެ ފިރިކަލުން އަދި އެސްޓީއޯގެ މެނޭޖިނ ޑިރެކްޓަރ ހުސެއިން އަމްރު ވިދާޅުވީ ރައްޔިތުންގެ ޚިޔާލު ކަންކަމުގައި ހޯދުމަކީ އެއްވެސް މައްސަލައެއް އޮތްކަމެއް ނޫންކަމަށެވެ. މަޝްވަރާ ކުރަންޖެހޭނީ ހަމައެކަނި ކައުންސިލުން ނޫންކަމަށާއި، އެނޫން ބޭފުޅުންނަށްވެސް އެފުރުސަތު އޮންނާނެކަމަށެވެ.
ރައްޔިތުން ބޭނުންވާ ގޮތެއް އަހާލި ކަމަށްޓަކާ ރުޅިއައިސް ބަޔާން ނެރޭ ހިސާބަށް ދިޔުމަކީ ވަރަށް ހުތުރުކަމެއް. އަޅުގަނޑު ގައުމު ކުރެއެރުވުމަށްޓަކާ މިތަނުން ކުރެވިދާނެ ކަންކަން ބަލަން ރައްޔިތުންގެ ޚިޔާލު ހޯދަން. ކައުންސިލް އެކަންޏެއް ނޫން، އެންމެން ވެސް އެކަން ކުރަންޖެހޭ!
– އަމްރު ވިދާޅުވިއެވެ.
Hulhumale ge ihthisoas akee Male City Councilun abadhuves hissaakuraa kanboduvumeh. Rayyithunge hiyaalu hoadhumakee rangalhukameh namaves mikamuga councilge nuruhun miothee ihthisoas ge issue akaa, mashvaraa kurumaa eh noon. Ekamaa medhu councilah hiyaalufaalhukoh bas buneveyne?♀️ https://t.co/nn9L3iJy7u
— Afshan Latheef ? (@AfshanLatheef) August 13, 2021
އަމްރުގެ ވާހަތަކަށް ރައްދު ދެއްވަމުން އަފްޝަން ވިދާޅުވީ މާލެ ސިޓީ ކައުންސިލްގެ ކަންބޮޑުވުން އޮތީ އެޗްޑީސީން މަޝްވަރާ ކުރުމަކާއި ނޫންކަމަށެވެ. ސިޓީ ކައުންސިލްގެ ކަންބޮޑުވުން އޮތީ ޤާނޫނުގައި ކަނޑައަޅާފައިވާ އިޚްތިޞާސްއާއި ގުޅޭގޮތުންކަމަށާއި، އެކަމުގައި ކައުންސިލަށް ކަންބޮޑުވުން ފާޅުކޮށް ޚިޔާލު ފާޅު ކުރެވޭނެކަމަށް އަފްޝަން ވިދާޅުވިއެވެ.
ހުޅުމާލޭގެ އިޚްތިޞާސް އަކީ މާލެ ސިޓި ކައުންސިލުން އަބަދުވެސް ހިއްސާކުރާ ކަންބޮޑުވުމެއް. ރައްޔިތުންގެ ޚިޔާލު ހޯދުމަކީ ރަނގަޅުކަމެއް. ނަމަވެސް މިކަމުގައި ކައުންސިލްގެ ނުރުހުން އޮތީ އިޚްތިޞާސްގެ އިޝޫއަކާއި، މަޝްވަރާ ކުރުމާނޫން. އެކަމާއި މެދު ކަންސިލަށް ޚިޔާލުފާޅުކޮށް ބަސްވުނެވޭނެ.
– އަފްޝަން ވިދާޅުވިއެވެ.
ލާމަރުކަޒީ ޤާނޫނުގައި ކައުންސިލްތަކަށް ދީފައިވާ ބާރުތަކާއިއެކު ހުޅުމާލޭގެ ކައުންސިލަށް އެޗްޑީސީން ކުރަމުންދިޔަ މަސައްކަތްތައް ބަދަލު ކުރުމުގައި ހުރި ގޮންޖެހުންތަކަކީ މިހާތަނަށް އަދި ހައްލު ވެފައިވާ މައްސަލަތަކެއް ނޫނެވެ. މިމައްސަލަ ހައްލު ކުރުމަށް ޤާނޫނީ ހުރަސްތަކެއްވެސް ހުރިކަމަށް ގިނަ ބަޔަކުދެކެއެވެ. މިމައްސަލަ ހައްލުކުރުމަކީ މުހިންމު ކަމެއްކަމަށް ގިނަ ބަޔަކު ދެކެއެވެ.
