ދިރާސީ އަހަރު ފެށިގެން ދިޔައިރުވެސް ރ.މަޑުއްވަރީ ސްކޫލުގައި ޕްރިންސިޕަލެއް ނެތުމުގެ ކަންބޮޑުވުން ފާޅުކޮށްފިއެވެ.
ދިރާސީ އައު އަހަރުގެ ކިޔެވުން ފެށުނީމިދޔަ އަންގާރަ ދުވަހުއެވެ. ގިނަ ދުވަސްތަކަކަށްފަހު ސްކޫލަސް ގޮސްގެން ކިޔެވޭގޮތަށް އައު އަހަރުގެ ދިރާސީ އަހަރު ފެށުނުނަމަވެސް މަޑުއްވަރީ ސްކޫލުގައި ޕްރިންސިޕަލެއް ނެތުމުގެ ކަންބޮޑުވުން ފާޅުކުރައްވާ މަޑުއްވަރީ ދާއިރާގެ މެންބަރު އާދަމް ޝަރީފް ޢަުމަރު ވިދާޅުވީ، މިހެން ވެދާނެތީ މަޑުއްވަރީ ކައުންސިލުންވެސް ދުރާލާ މިނިސްޓްރީ އޮފް އެޑިއުކޭޝަންގެ ސަމަލުކަމަށް އެކަން ގެނެސްފައިވާކަމަށެވެ. ނަމަވެސް އެކަމަށް ހައްލެއް ލިބިފައި ނުވާކަން ފާހަގަކުރައްވާ އާދަމް ޝަރީފް ވިދާޅުވީ، ޕްރިންސިޕަލް ނެތުމުގެ ކަންބޮޑުވުން ބެލެނިވެރިންގެ ފަރާތުންވެސް މިހާރު ލިބެމުންދާކަމަށެވެ. އާދަމް ޝަރީފް ވަނީ މިކަމަށް އަވަސް ހައްލެއް ބޭނުންވާކަމަށްވެސް ވިދާޅުވެފައެވެ. ހައްލު ބޭނުން.
ދިރާސީ އަހަރު ފެށުނުއިރު ރ.މަޑުއްވަރީ ސްކޫލްގައި ޕްރިންސިޕަލްއެއް ނެތް. މިހެން ވެދާނެތީވެ މަޑުއްވަރީ ކައުންސިލުންވެސް ވަނީ މިނިސްޓްރީ އޮފް އެޑިއުކޭޝަންގެ ސަމަލުކަމަށް ދުރާލާ ގެނެސްފައި. ޕްރިންސިޕަލް ނެތުމުގެ ކަންބޮޑުވުން ބެލެނިވެރިންގެ ފަރާތުންވެސް މިހާރު ލިބެމުން އެބަދޭ. ހައްލު ބޭނުން.
– އާދަމް ޝަރީފް
Dhiraasee aharu feshunuiru R. Maduvvaree School gai Principal eh neiy. Mihen vedhaanetheeve, Maduvvaree Council in ves vanee Ministry of Education ge samaalukamah dhuraalaa genesfai. Principal nethumuge kanboduvun beleniveringe faraathun ves mihaaru libemun ebadhey. Hallu beynun!
— Adam Shareef Umar (@Adamshareefz) August 12, 2021
ތަޢުލީމީ ދާއިރާއަށް 35 އަހަރަށްވުރެ ދިގު މުއްދަތަކަށް ޚިދުމަތްކުރައްވާފައިވާ އާދަމް ޝަރީފް މިފަދަ ކަންބޮޑުވުންތައް ފާޅުކުރައްވާފައިވާއިރު، އެޑިއުކޭޝަން މިނިސްޓްރީން ވަނީ ދިރާސީ އަހަރު ފަށަނީ ޓީޗަރުންނާއި ޕްރިންސިޕަލުން ސްކޫލްތަކަށް ހަމަށްގެންކަމަށެވެ.
މަޑުއްވަރީ ސްކޫލުގައި ޕްރިންސަޕެއް ނެތުމުގެ މައްސަލަ އޮތްއިރު، ހދ.ހިރިމަރަދޫ ސްކޫލްގައިވެސް ދިޜާސީ އަހަރު ފެށުނުއިރު ބޮޑެތި މައްސަލަތަކެއް ހުރިކަމަށް އެރަށު ރައްޔިތުން ފާހަގަކުރިއެވެ. ހިރިމަރަދޫ ސުކޫލުގެ މައްސަލަތަށް ގިނަވެ، ދިރާސީ އާ އަހަރުގެ ކިޔެވުން ފެށުމުންވެސް އެ ރަށު ބެލެނިވެރިން ވަނީ ދަރިވަރުން ސުކޫލަށް ފޮނުވުމަށް ދެކޮޅުހަދާފައެވެ. ހިރިމަރަދޫ ސްކޫލްގައި ހުރީ އިންޑިއާ ޕްރިންސިޕަލްއެއް ކަމަށާއި އެ ސްކޫލްއަށް ރަނގަޅު ދިވެހި ޕްރިންސިޕަލްއެއް ބޭނުންވާކަމަށް ބެލެނިވެރިން ބުނާކަމަށް އެރަށު ކައުންސިލުން ބުނެފައިވެއެވެ.
އަންނަ އާދީއްތަ ދުވަހުން ފެށިގެން ސުކޫލަށް ވަގުތީ ގޮތުން ދިވެހި ޕްރިންސިންޕަލަކު ލިބޭނެ ކަމަށް އެޑިއުކޭޝަނުން އަންގާފައިވާކަމަށްވެސް އެރަށު ކައުންސިލުން ބުނެފައިވެއެވެ.
