އިނގިރޭސި ޗެމްޕިއަން މެންޗެސްޓާ ސިޓީ ބަލިކޮށް އެފްއޭ ކަޕުގެ ޗެމްޕިއަން ލެސްޓާ ސިޓީން ކޮމިއުނިޓީ ޝީލްޑް ކާމިޔާބުކޮށްފިއެވެ.
ލަންޑަންގެ ވެމްބްލީ ސްޓޭޑިއަމްގައި ކުޅުނު މި މެޗު ލެސްޓާ ސިޓީން ކާމިޔާބުކުރީ 0-1 ގެ ނަތީޖާއަކުންނެވެ.
އެފްއޭ ކޮމިއުނިޓީ ޝީލްޑް މެޗުގައި ވާދަކުރާނީ ނިމިދިޔަ އަހަރުގެ ޕްރިމިއާ ލީގު ޗެމްޕިއަނުންނާއި އެފްއޭ ކަޕް ޗެމްޕިއަނުންނެވެ. ލެސްޓާއިން އެފްއޭ ކަޕް ޗެމްޕިއަނުންގެ ގޮތުގައި މިރޭގެ މެޗަށް ނުކުމެފައިވާއިރު، ސިޓީން ނުކުތީ އިނގިރޭސި ލީގު ޗެމްޕިއަނުންގެ ގޮތުގައެވެ.
ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔަ މި މެޗުގައި، ލެސްޓާއިން ޝީލްޑް މެޗު ކާމިޔާބުކުރި ލަނޑު މެޗުގެ އެންމެ ފަހު މިނެޓުގައި ލިބުނު ޕެނަލްޓީއަކުން ކާމިޔާބުކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ކެލެޗީ އިހެނާޗޯއެވެ.
ސީޒަން ހުޅުވަން ކުޅުނު މެޗަށް އިނގިރޭސި ޕްރިމިއާ ލީގުގެ ކުޅުން ފަށާނީ އަންނަ ހުކުރު ދުވަހުގެ ރެ އެވެ.
ކޮމެންޓު ފޮނުވާ