ރައީސް ޔާމީނަށް އިއްވާފައިވާ ޖަލުހުމަކީ ރައީސް ނަޝީދު ޖޭއެސްސީގައި އިންނަވައިގެން، ނަޝީދު ބޭނުންވި ގޮތަށް ބޭނުންވި ބަޔަކު ލައިގެން ކޮށްފައިވާ ހުކުމެއްކަމަށް އެމްޑީޕީގެ ކުރީގެ ނާއިބް ރައީސް އަލްހާން ފަހުމީ ވިދާޅުވެއްޖެއެވެ.
ރައީސް ނަޝީދު އަވަހާރަކޮށްލަން ދިން ނުރައްކާތެރި ހަމަލާއަށްފަހު ސަރުކާރާއި ރައީސް ޞާލިހާއި ފެޔަށްޖެހި ރައީސް ނަޝީދު ގެންދަވަނީ އިދިކޮޅު ޕްރޮގްރެސިވް ކޯލިޝަނާއިއެކު ކޯލިޝަން ހެދުމަށް ބޭނުންވާކަމަށް ވިދާޅުވެފައެވެ. އެމްޑީޕީ އާއި ޕީޕީއެމް ކޯލިޝަނެއް ބޭނުންވާކަން ހާމަކޮށް، އެންމެ ރަނގަޅު ގޮތަކީ ރައީސް އަބްދުﷲ ޔާމީންގެ އެހީ ހޯދުން ކަމަށް ރައީސް ނަޝީދު ގެންދަވަނީ ތަކުރާރުކޮށް ވިދާޅުވަމުންނެވެ.
ރައީސް ޔާމީނާއިއެކީ މަސައްކަތް ކުރައްވަމުން ރައީސް ނަޝީދު ކުއްލިއަކަށް ވިސްނުން ބަދަލުވެ ދައްކަވަމުންދާ ވާހަތަކަށް ރިޢާޔަތްކޮށް އަލްހާން ވިދާޅުވީ ރައީސް ޔާމީން ޖަލަށް ލުމަށްޓަކައި ޖުޑިޝަލް ސާވިސް ކޮމިޝަން ތެރޭގައި އިންނަވައިގެން އެކުހުމް ބޭނުންވަ ގޮތަށް ބޭނުން ޤާޒީން ލައްވައި ކުރެއްވީ ރައީސް ނަޝީދުކަމަށެވެ. މައްސަލަ ބެއްލި ޤާޒީ ހައިލަމް ދުރުކޮށް ނަޝީދު ބޭނުންވާ ގޮތަށް ހުކުމް ކުރައްވާނެ ބޭފުޅަކު އައްޔަންކޮށް ހުކުމް ކުރެއްވިކަމީ ފެންނަން އޮތް ހަގީގަތް ކަމަށް އަލްހާން ވިދާޅުވިއެވެ.
ރައީސް ޔާމީންގެ މައްޗަށް މިހާރު ކޮށްފައިވާ ޙުކުމަކީ ރައީސް މުހައްމަދު ނަޝީދު ޖުޑިޝަލް ސާވިސްސަސް ކޮމިޝަން ހިސޯރު ކުރައްވައިގެން، ޝަރީޢަތްކުރެއްވި ފަނޑިޔާރު އަހުމަދު ހައިލަމް މަޤާމުން ސަސްޕެންޑްކޮށްގެން، އިސްވެ، ރައީސް ޔާމީން ޖަލަށް ލާންޖެހޭނެކަމަށް ބުނާ ފަނޑިޔާރުން ލައިގެން ކުރުވި ހުކުމެއް!
– އަލްހާން ވިދާޅުވިއެވެ.
ރައީސް ޔާމީންގެ މައްޗަށް މިހާރު ކޮށްފައިވާ ޙުކުމަކީ ރައީސް @MohamedNasheed ޖުޑިޝަލް ސާވިސްސަސް ކޮމިޝަން ހިސޯރު ކުރައްވައިގެން،ޝަރީޢަތްކުރެއްވި ފަނޑިޔާރު @AhmedHailam މަޤާމުން ސަސްޕެންޑްކޮށްގެން، އިސްވެ،ރަ.ޔާމީން ޖަލަށް ލާންޖެހޭނެކަމަށް ބުނާ ފަނޑިޔާރުން ލައިގެން ކުރުވި ހުކުމެއް! pic.twitter.com/aIjgO38X4C
— ????? ????? – ?? (@AlhanFahmy) August 4, 2021
ރައީސް ޔާމީންގެ ޝަރީއަތްނިމި ހުކުމް ކުރަން އޮތް ދުވަހު، މައްސަލަ ބެއްލެވި އޭރުގެ ކުރިމިނަލް ކޯޓުގެ އިސް ޤާޟީ އަހްމަދު ހައިލަމް ވަނީ ސަސްޕެންޑް ކޮށްފައެވެ. އަދި ހައިލަމްގެ މައްޗަށް އެކި ތުހުމަތުތައްކޮށް، ހައިލަމްއަށް ކޯޓާއި ކައިރިނުވެވޭނެހެން ޖޭއެސްސީންވަނީ ފިޔަވަޅު އަޅާފައެވެ. ރައީސް ޔާމީނަށް ހުކުމް ކޮށްފައިވަނީ ހުކުމަށްފަހު މިހާރު ސްޕްރީމް ކޯޓުގެ ފަނޑިޔާރަކަށް އައްޔަން ކުރައްވާފައިވާ އަލީ ރަޝީދެވެ.
