ހއ.އިހަވަންދޫގައި ދިމާވެފައިވާ ބިމުގެ ދަތިކަން ހައްލުކޮށް ދިނުމަށް އެރަށުގެ ބިންހިއްކުމުގެ އަމަލީ މަަސއްކަތް އެމްޓީސީސީން ފަށައިފިއެވެ.
މި މަޝްރޫއުގެ މަސައްކަތް ފެށީ އިއްޔެ ހަވީރުއެވެ. އެގޮތުން، ބައުންޑަރީ ވޯލް ހެދުމާއި ސައިޓު ތައްޔާރު ކުރުމުގެ މަސައްކަތް ކުރިއަށްދާނެއެވެ. މި މަޝްރޫއު އެމްޓީސީސީ އާ ހަވާލު ކުރީ އެއް އަހަރު ދުވަހުގެ މުއްދަތަށެވެ.
މިމަޝްރޫއުގެ މަސައްކަތް ފެށުމާއި ގުޅިގެން އެދާއިރާގެ މެމްބަރު މުހައްމަދު ޝިފާއު ވިދާޅުވީ މިއީ އިހަވަންދޫ ރައްޔިތުން ކުރަމުންދިޔަ ދިގު އިންތިޒާރެއްގެ ނިމުންކަމަށެވެ. ބިންހިއްކަން ފެށުނީތީ ދާއިރާގެ އެންމެހާ ރައްޔިތުންނަށް ޝިފާއުވަނީ މަރުހަބާ ދަންނަވާފައެވެ. އަދި މިމަސައްކަތް ހަގީގަތަކަށް ހައްދަވައި ދެއްވީ ރައީސް އިބްރާހިމް މުހައްމަދު ޞާލިހުކަން ފާހަގަކޮށް ޝިފާއުވަނީ ރައީސް ޞާލިއަށް ޝުކުރު ދަންނަވާފައެވެ.
އިހަވަންދޫގެ ބިންހިއްކުމުގެ އަމަލީ މަސައްކަތް ފެށުމުގެ އުފާވެރި ދުވަހު އިހަވަންދޫގެ ލޮބުވެތި ރައްޔިތުންނަށް މަރުހަބާޔާ މުބާރަކުބާދީ އަރިސްކުރަން. އިހަވަންދޫ ރައްޔިތުންގެ މިހުވަފެން ހަޤީގަތަކަށް ހައްދަވައި ދެއްވީތީ ރައީސް އިބްރާހިމް މުހައްމަދު ޞާލިހަށް ހިފެހެއްޓުމެއްނެތް ޝުކުރު އަރިސްކުރަން.
– ޝިފާއު ވިދާޅުވިއެވެ.
އިހަވަންދޫގެ ބިންހިއްކުމުގެ އަމަލީ މަސައްކަތް ފެށުމުގެ އުފާވެރި ދުވަހު އިހަވަންދޫގެ ލޮބުވެތި ރައްޔިތުންނަށް މަރުހަބާޔާ މުބާރަކުބާދީ އަރިސްކުރަން.
އިހަވަންދޫ ރައްޔިތުންގެ މިހުވަފެން ހަޤީގަތަކަށް ހައްދަވައިދެއްވީތީ ރައީސް @ibusolih އަށް ހިފެހެއްޓުމެއްނެތް ޝުކުރުއަރިސްކުރަން. pic.twitter.com/5gfF7NWhvZ— MP Mohamed Shifau (@mhshifau) August 4, 2021
އިހަވަންދޫ ބިން ހިއްކުމުގެ މަސައްކަތް އެމްޓީސީސީއާ ހަވާލު ކުރީ މިދިޔަ އަހަރުގެ ނިވެމްބަރު 10ގައެވެ. އެ ކުންފުންޏާ މި މަޝްރޫއު ހަވާލު ކުރީ 123.9 މިލިއަން ރުފިޔާއަށެވެ. މި މަޝްރޫއުގެ ދަށުން ބިން ހިއްކުމުގެ އިތުރުން ގޮނޑުދޮށް ހިމާޔަތްކުރުމަށް ރިވެޓްމެންޓްޖެހުމުގެ މަސައްކަތް ވެސް ކުރާނެއެވެ.
