ބޮލީވުޑްގެ މަޝްހޫރު ބަތަލާ އައިޝްވާރިޔާ ރާއީއާ ވައްތަރު މީހަކު އަނެއްކާވެސް ފެނިއްޖެއެވެ.
އާޝިތާ ސިންގް ކިޔާ މި މީހަކީ އިންސްޓަގްރާމްގައި ވަރަށް ހަރަކާތްތެރި މީހެކެވެ. މީހުންގެ ސަމާލުކަން އެންމެ ބޮޑަށް އާޝިތާއަށް ލިބުނީ އޭނާ ކުޅުނު ވީޑީއޯއެއްގެ ސަބަބުންނެވެ.
މި ވީޑިއޯގައި ފެނިގެން ދާނީ ސަލްމާން ޚާނާ އެކުއެވެ. ނަމަވެސް މިއީ ބޮލީވުޑްގެ މަޝްހޫރު އެކްޓަރު ސަލްމާން ޚާނެއްނޫނެވެ. މިއީ ސަލްމާނާ ވައްތަރު މީހެކެވެ. އެމީހާގެ ނަމަކީ ވިކްރަމް ސިންގް ރާޖްޕުތެވެ.
އާޝިތާ އާއި ވިކްރަމް ޑުއެޓްކޮށްފައި ވަނީ ސަލްމާންގެ މަޝްހުރޫ ފިލްމް "މޭނޭ ޕިޔާރް ކިޔާ"ގެ ލަވައެއް ކަމުގައިވާ "އާޖާ ޝާމް ހޯނޭ އާއީ" ލަވައަށެވެ. މިނޫންވެސް ލަވަތަކާއި ޑައިލޮގްތަކަށް އެކްޓުކޮށް އާޝިތާ ވަނީ އިންސްޓަގްރާމްގައި ހިއްސާކޮށްފަ އެވެ.
View this post on Instagram
މީގެ ކުރިންވެސް އައިޝްވާރިޔާއާ ވައްތަރު މީހުންނަށް ވަނީ ސޯޝަލް މީޑިއާގައި ސަމާލުކަން ލިބިފައެވެ މި އަހަރުގެ ފްބުރުވަރީ މަހުވެސް އައިޝްވާރިޔާއާ ވައްތަރު މީހަކު ފެނި އިންޓަނެޓްގައި އޭނާއަށް ވަނީ ބޮޑު ސަމާލު ކަމެއް ލިބިފައެވެ. އެއީ ޔޫއެސް ގައި ދިރިއުޅެމުންދާ ޕާކިސްތާނުގެ ބިއުޓީ ބްލޮގަރ އާމްނާ އިމްރާނެވެ.
އައިޝްވާރިޔާ އެންމެ ފަހުން ފެނިގެންގޮސްފައިވަނީ "ފެނީ ހާން" އިންނެވެ. އޭނާގެ ކުރިއަށް އޮތް ފިލްމަކީ މަނީ ރަތުނަމްގެ ޓެމިލް ފިލްމް "ޕޮނިޔިން ސެލްވަން" އެވެ.
