އަމިއްލަ ރަށް ނޫން އެހެން ރަށްރަށުގައި ކިޔަވައިދޭ ދިވެހި ޓީޗަރުންނަށްވެސް ކެއުމާއި އެކޮމޮޑޭޝަން އެލަވެންސް ދޭނަމަ، ފެންވަރު ރަނގަޅު ދިވެހި ޓީޗަރުން ލިބޭނެ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ވިދާޅުވެއްޖެ އެވެ.
ތައުލީމީ ދާއިރާގައި ދިގުމުއްދަތަކަށް ހިދުމަތް ކުރައްވާފައިވާ އާދަމް ޝަރީފް ރޭ ވިދާޅުވީ ދިރާސީ އަހަރު ފެށޭއިރު ބިދޭސީ ޓީޗަރުންނާ އެއްގޮތަށް، އަމިއްލަ ރަށް ނޫން އެހެން ރަށްރަށުގައި ކިޔަވައިދޭ ދިވެހި ޓީޗަރުންނަށް ކެއުމާއި އެކޮމޮޑޭޝަން އެލަވަންސް ދޭ ގޮތަށް އުސޫލު ބަދަލުކޮށްފިނަމަ ފެންވަރު ރަނގަޅު ދިވެހި ޓީޗަރުން ލިބި، ގައުމީ މަންްހަޖުގެ ނަތީޖާ ނެރެން މާބޮޑަށް ފަސޭހަ ވާނެ ކަމަށެވެ.
Dhiraasee aharu fesheyiru bidheysee teacherunnaa eggothah, rashun beyrugai khidhumaiykuraa dheysee teacherunnah food adhi accommodation allowance dheygothah usool badhalukoffinama fenvaru rangalhu dheysee teacherun libeyne, Qaumee Manhajuge natheejaa neren maabodah faseyhavaane.
— Adam Shareef Umar (@Adamshareefz) July 28, 2021
އާދަމް ޝަރީފު މިހެން ވިދާޅުވަފއި ވާއިރު، ރާއްޖޭގެ ސްކޫލުތަކުގައި ގުރުއާނާއި އަރަބި ކިޔަވައިދޭ ޓީޗަރުން އިންޑިއާ އިން ގެނައުމާއެކު އެޑިއުކޭޝަން މިނިސްޓްރީއަށް މީގެކުރިން ވަނީ ބޮޑު ފާޑުކިއުމެއް އަމާޒުވެފަ އެވެ. ނަމަވެސް މިނިސްޓްރީން އޭރު ބުނީ ޓީޗަރުން އިންޑިއާ އިން ގެންނަން ޖެހުނީ ދިވެހި ޓީޗަރުން ހޯދުމަށް ތަކުރާރުކޮށް އިއުލާނު ކޮށްގެން ވެސް ނުލިބުމުން ކަމަށެވެ.
ރާއްޖޭގައި ތަޢުލީމީ ދާއިރާގައި ހަރަކާތްތެރިވާ މީހުން ހާއްސަކޮށް ޓީޗަރުންގެ މުސާރައިގެ މައްސަލައަކީ، އެކަމާމެދު ބަހުސްކުރެވެމުންދާތާ ގިނަ ދުވަސްވީ މައްސަލައެކެވެ. އަދި މިހާތަނަށް އެދެވޭ ހައްލެ ލިބިފައިވެސް ނުވާ މި މައްސަލާގައި ޓީޗަރުންގެ މައިގަނޑު ކަންބޮޑުވުމަކީ އެމީހުންގެ ޒިންމާތަކާއި މަސްޢޫލިއްޔަތާއި އެއްވަރުގެ އާމްދަނީއެއް ނުވަތަ މުސާރައެއް ނުލިބުމުގެ މައްސަލައެވެ.
ކޮމެންޓު ފޮނުވާ