އިންޑިއާގެ ގައުމީ އެއަރލައިން، އެއަރ އިންޑިއާގެ ދަތުރުތައް ރާއްޖެއާއި މުމްބާއީއާ ދެމެދު އަލުން ފަށައިފި އެވެ.
ދެކުނު އޭޝިއާގައި ކޯވިޑް ފެތުރޭ މިންވަރު އިތުރުވެ ރާއްޖޭގައި ވެސް ބަލީގެ ހާލަތު ގޯސްވުމާއި ދެކުނު އޭޝިއާގެ ގައުމުތަކުން ރާއްޖެއަށް ދައުރުކުރުން ހުއްޓާލިމުން އެއަރ އިންޑިއާއިން ވަނީ ރާއްޖެއަށް ކުރަމުންގެންދިޔަ ދަތުރުތައް މެދުކަނޑާލާފަ އެވެ.
ނަމަވެސް ދެކުނު އޭޝިއާގެ ގައުމުތަކުން ދަތުރުކުރާ މީހުންނަށް ރާއްޖޭގެ ބޯޑަރު މިމަހުގެ 15 ވަނަ ދުވަހު ހުޅުވާލުމާއި އެކު އެ އެއަރލައިނުން ރާއްޖެއާއި އިންޑިއާގެ މުމްބާއީއާ ދެމެދު ކުރާ ދަތުރުތައް އަލުން ފަށާފައި ވަނީ އިއްޔެއެވެ. އަދި ކޮންމެ ހަފުތާއަކު ދެ ފްލައިޓް ރާއްޖެއަށް ބޭއްވުމަށް ހަމަޖެހިފައިވާ ކަމަށް އެ އެއާލައިނުން ބުނެފައި ވެއެވެ. އެއީ ކޮންމެ ހަފްތާއެއްގެ ބުދަ ދުވަހާއި ހޮނިހިރު ދުވަހު އެވެ.
Great news for our passengers from India. ???
Now you can fly directly from Mumbai to the #SunnySideOfLife ? with @airindiain ?? ?? #VisitMaldives pic.twitter.com/2jkR5ciLpX— VelanaAirport (@VelanaAirport) July 28, 2021
2020 ވަނަ އަހަރު ރާއްޖޭގެ ބޯޑަރު ހުޅުވާލިފަހުން ރާއްޖެއަށް އެންމެ ގިނަ ފަތުރުވެރިން އައިސްފައި ވަނީ އިންޑިއާ އިންނެވެ. ނަމަވެސް އިންޑިއާގައި ހަލުވި މިނެއްގައި ކޯވިޑް ބަލިމަޑުކަން ފެތުރުރެން ފެށުމާއިއެކު އިންޑިއާގެ ފަތުރުވެރިންނަށް ރާއްޖެ ބަންދުކުރުމުން އެގައުމުން އަންނަ ފަތުރުވެރިންގެ އިންސައްތަ ވަނީ ބޮޑުތަން ދައްވެފަ އެވެ. އަދި ރާއްޖެއަސް ފަތުރުވެރިން އެންމެ ގިނައިން އަންނަ ގައުމުތަކުގެ ލިސްޓްގެ ދެވަނައަށް އިންޑިއާ ޖެހިލިއެވެ.
އެއަރ އިންޑިއާގެ އިތުރުން މިވަގުތު އިންޑިއާގެ 4 އެއަރލައިނެއް އެގައުމުން އަންނަނީ ރާއްޖެއަށް ދަތުރުކުރަމުންނެވެ. އެއީ ގޯއެއަރ، އިންޑިގޯ، ސްޕައިސް ޖެޓްގެ އިތުރުން އެއަރ ވިސްތާރާ އެވެ.
ކޮމެންޓު ފޮނުވާ