ޓިއުނީޝިއާގައި، ކޯވިޑް19ގެ ހާލަތު ގޯސްވެ، އަދި އިގްތިސާދީ ހާލަތު އާދަޔާ ޚިލާފަށް ގޯސްވެގެން ދިއުމާ ގުޅިގެން، އެގައުމުގެ ރައްޔިތުން ކުރަމުންދާ މުޒާހިރާތަކާ ގުޅިގެން، ބޮޑުވަޒީރު ހައިޝަމް މެޗީޗީ މަގާމުން ދުރުކޮށް، ގާނޫނު ހަދާ މަޖިލިސް ޓިއުނީޝިއާގެ ރައީސް އުވާލައިފިއެވެ.
ޓިއުނީޝިއާގެ ރައީސް ކައިސް ސައީދު ވިދާޅުވި ގޮތުގައި ގާނޫނު އަސާސީގައި ވާގޮތުގެމަތިން، އޭނާ މިހާރުވަނި އަލަށް އައްޔަން ކުރެވިފައިވާ ބޮޑުވަޒީރުގެ އެހީތެރިކަމާއެކު، ވެރިކަމުގެ ބާރުތަކުގެ ބޭނުން ކުރައްވަން ފައްޓަވާފައެވެ.
މިއީ 2014ވަނަ އަހަރުގެ ގާނޫނު އަސާސީން، ޓިއުނީޝިއާގެ ދައުލަތުގެ ބާރުތައް ގައުމުގެ ރައީސްއާއި ބޮޑުވަޒީރު އަދި ގާނޫނު ހަދާ މަޖިލީހާމެދު ބަހާ ތަންފީޒުކުރަން ފެށިފަހުން ގާނޫނު އަސާސީއަށް ކުރިމަތިވެގެންދާ އެންމެ ބޮޑު ގޮންޖެހުމެވެ.
"ގިަނ އަދަދެއްގެ ރައްޔިތުންނަށް ވަނީ، ވަރަށް ބޮޑެތި ހުވަފެންތައް ދައްކާފަ، އަދި އެމީހުންގެ ހައްގުތަށް ވަނީ އެމީހުންގެ ކިބައިން ނިގުޅައިގަނެވިފަ،" މީޑިއާތަކަށް އާންމު ކުރެއްވި ބަޔާނެއްގައި އޭނާ ވިދާޅުވެފައި ވެއެވެ.
"އަހަރެން އިންޒާރު މިދެނީ، ހަތިޔާރުގެ ބޭނުން ކުރާ ކޮންމެ މީހަކާ ދެކޮޅަށް، ބަޑީގެ އުންޑަ ބޭނުން ކޮށްފި ކޮންމެ މީހަކާ ދެކޮޅަށް އަސްކަރިއްޔާއިން އުންޑަ ބޭނުން ކުރާނެ،" އޭނާ ވިދާޅުވެފައި ވެއެވެ.
ޓިއުނީޝިއާގެ ރައީސް ވިދާޅުވެފައިވާ ގޮތިގައި އޭނާ އަމަލް ކުރައްވަމުން ގެންދަވަނީ އެގައުމުގެ ގާނޫނު އަސާސީގައި ވާގޮތުގެ މަތިން ކަމަށާއި، އަދި ގާނޫނު ހަދާ މަޖިލިހުގެ މެމްބަރުންނަށް ލިބިގެންވާ ހުރިހާ އިމްތިޔާޒުތަކެއްވެސް އޭނާ ވަގުތީގޮތުން ހިފަހައްޓާފައިވާ ކަމަށެވެ.
ޓިއުނިޝިއާގެ ރައީސް މި ބަޔާން ނެރުއްވާފައިވަނީ، އެގައުމުގެ އެތައް ސިޓީއެއްގައި ކުރިޔަށްދާ ބޮޑެތި މުޒާހިރާތަކުގައި، ގާނޫނު ހަދާ މަޖިލީހުގައި އޮތް އެންމެ ބޮޑު ޕާޓީ ކަމުގައިވާ އިންނަހުދާ ޕާޓީއާއި ދެކޮޅު ޝުއޫރުތައް ފާޅުކުރުމާއި ގުޅިގެން ރައީސްގެ ގަޑުވަރުގެ ބޭއްވުނު ކުއްލި ބައްދަލުވުމަކަށް ފަހުއެވެ.
ރައީސްގެ މިނިންމެވުމާއި ގުޅިގެން، ޓިއުނީޝިއާގެ ގާނޫނު ހަދާ މަޖިލިހުގެ ރައީސްވަނީ، ވިދާޅުވެފައިވަނީ މިއީ "ގާނޫނު އަސާސީއާއި އަދި ގައުމުގައި އޮތް އިންގިލާބީ ވެރިކަމާ ދެކޮޅަށް ގެނެވިފައިވާ ބަޢާވާތެއް،" ކަމުގައެވެ.
"އަހަރުމެން އަދިވެސް އުއްމީދުކުރަނީ، ޓިއުނީޝިއާގެ މުވައްސަސާތަކުން އިންނަހުދާ ޕާޓީއަށާއި ޓިއުނީޝިއާގެ ރައްޔިތުންނަށް ތާއީދުކޮށް އިންގިލާބީ ވެރިކަން ހިމާޔަތް ކުރާނެކަމަށް،" ގާނޫނު ހަދާ މަޖިލިހުގެ ރައީސް އަދި އިންނަހުދާ ޕާޓީގެ ވެރިޔާ ޢައްނައުޗީ ވިދާޅުވެފައި ވެއެވެ.
ޓިއުނީޝިއާގައި ކޯވިޑްގެ ހާލަތު ގޯސްވަމުން ދިއުމާއި، އަދި ކުރިމަތިވަމުންދާ އިގްތިސާދީ ބޮޑެތި ގޮންޖެހުންތަކާ ގުޅިގެން އެގައުމުގެ ބޮޑުވަޒީރާއި އަދި ރައީސް ސައީދުއާއި ދެމީހުންގެ މެދުގައި ޚިޔާލުތަފާތުން ވެފައިވާތާ އަހަރެއްހާ ދުވަސް ވެއްޖެއެވެ.
ޓިއުނީޝިއާގެ ރައީސްއާއި އަދި ގާނޫނު ހަދާ މަޖިލިސް އިންތިޚާބު ކޮށްފައިވަނީ، 2019ވަނަ އަހަރު ވަކިވަކިން ބޭއްވުން ދެ އިންތިޚާބެއްގައެވެ.
އެހެންނަމަވެސް ބޮޑުވަޒީރު މެޗީޗީ މަގާމާ ހަވާލުވެ ވަޑައިގަތީ އޭގެ ކުރިން، ކުރު މުއްދަތަކަަށް އޮތް އޮތް ސަރުކާރު ބަދަލްވެގެން ދިއުމާ ގުޅިގެންނެވެ.
ޓިއުނީޝިއާގެ ރައީސްގެ މި ނިންމެވުމާ ގުޅިގެން، މުޒާހިރާ ކުރަމުްނދިޔަ ފަރާތްތަކުންވަނީ މަގުތަކަށް ނިކުމެ އުފާ ފާޅު ކޮށްފައެވެ.
