މާބަމޑުއިރުގެ ތަޖުރިބާތަށް ހިމަނައިގެން ކަރީނާ ކަޕޫރް ޚާން ލިއުނު ފޮތް ނެރެފި އެވެ.
މި ފޮތަކީ އޭނާ މިދިއަ އަހަރު ބަލިވެއިން ދުވަސްވަރު، މާ ބަނޑު އަންހެނުންނަށް ހާއްސަ ކޮށްގެން ލިޔެފައިވާ ފޮތެކެވެ. "ކަރީނާ ކަޕޫރް ޚާންސް ޕްރެގްނަންސީ ބައިބަލް"ގެ ނަމުގައި އޭނާ ލިއުނު މިފޮތް އޭނާ ސިފަކޮށްފައި ވަނީ އެއީ އޭނާގެ 3 ވަނަ ދަރިފުޅުގެ ގޮތުގައެވެ.
އިންސްޓަގްރާމްގައި ވީޑީއޯއެއް ހިއްސާކުރަމުން ކަރީނާ ބުނެފައިވާ ގޮތުގައި މީ އޭނާ ބަލިވެއިން ދެފަހަރުގެ ތަަޖުރިބާއާއި ހަށިގަނޑަށް އައި ބަދަލާއި ދިމާވި އެކި ކަންކަމާއި ގުޅިގެން ލިޔެފައިވާ ފޮތެކެވެ. ވީޑީއޯގައި ފެންނަ ގޮތުގައި ކަރީނާ ހުންނަނީ އަވަނެއް ކައިރީ އެއްޗެއް ފިހަން ރެޑީވެގެންނެވެ. މި ވީޑިއޯ ގައި އޭނާގެ ފޮތުގެ ކަވަރު ދައްކާލަނީ އަވަނުން ނަގާފަ އެވެ.
View this post on Instagram
މި ފޮތަކީ އަންހެނުންނާއި ޑޮކްޓަރުންނާއި ކަމާބެހޭ ވަރަށް ގިނަ ތަޖުރިބާކާރުންގެ ލަފަޔާއި އިރުޝާދު ހޯދައިގެން ކަރީނާ ލިޔެފައިވާ ފޮތެކެވެ. މި ފޮތަށް އިންޑިއާގެ ފެޑެރޭޝަން އޮފް އޮބްސްޓެޓްރިކް އެންޑް ގައިނޮކޮލޮޖިކަލް ސޮސައިޓީޒް އޮފް އިންޑިއާ (އެފްއޯޖީއެސްއައި)ގެ އެޕްރޫލް ވެސް ލިބިވައިފާކަން އޭނާ ފާހަގަކޮށްފައިވެ އެވެ.
މި ފޮތް ނެރެނީ ޖަގަނޯޓް ބުކްސްގެ ތައްގަނޑުގަ އެވެ. އޯގަސްޓް 10 ވަނަދުވަހު ރަސްމީކޮށް ވިއްކަން ފަށާ މިފޮތަށް އޮންލައިން ސްޓޯރ އެމެޒޯން މެދުވެރިކޮށް ޕްރީ އޯޑަރ ކުރުމުގެ ފުރުސަތު މިހާރު ވަނީ ހުޅުވާލާފަ އެވެ.
View this post on Instagram
އެކްޓަރ ސައިފް އަލީ ޚާނާއި ކަރީނާގެ ދެވަނަ ދަރިފުޅު އުފަންވީ މި އަހަރުގެ ފެބްރުއަރީ 22 ވަނަ ދުވަހު އެވެ. މި ދަރިފުޅުގެ ނަމަކީ "ޖޭ" ކަން އެކުއްޖާގެ ކާފަ ރަންދީރް ކަޕޫރު ދާދިފަހުން ވަނީ މީޑިއާއަށް ޔަގީންކޮށްދީފަ އެވެ.
