ޝިލްޕާ ޝެއްޓީއަކީ ބޮލީވުޑްގައި އެންމެ ފިޓް ބަތަލާއިންގެ ތެރޭގައި ހިމެނޭ ތަރިއެކެވެ. އަދި ޝިލްޕާ އަންނަނީ ކަސްރަތު ކުރުމުގެ މުހިންމު ކަން ފޭނުންނަށް އަންގައިދެމުންނެވެ. އެގޮތުން އޭނާގެ ކަސްރަތުތަށް ކުރިއަށް ދާ ގޮތާއި ޑައިޓާއި މިފަދަ އެތަށް ކަމެއް ޝިލްޕާ އޭނާގެ އިންސްޓަގްރާމްގައި ހިއްސާކުރެ އެވެ.
ޝިލްޕާ އަކީ ޔޯގާ އަށް ލޯބިކުރާ ތަރިކެވެ. އެގޮތުން ހެނދުނު ހޭލައިގެން އޭނާ އާދަވެގެން ކޮންމެ ދުވަހަކުވެސް ޔޯގާ ހަދައެވެ. އަދި މި ކަސްރަތުތައް އިންސްޓަގްރާމްގައި ހިއްސާވެސް ކުރެއެވެ. ނަމަވެސް ހޯމަ ދުވަހު ޝިލްޕާ ވަނީ ތަފާތު ވައްތަރަކަށް ކަސްރަތުކޮށް ފޭނުން ހެއްވާލާފަ އެވެ.
ހޯމަ ދުވަހު ޝިލްޕާ ކުރިއަށް ގެންދިއަ ކާޑިއޯ ވޯކްއައުޓް ކޮށްފައިވަނީ "ބަންގްރަ" ސްޓައިލް އަށެވެ. ބަންގްރަ އަކީ ޕަންޖާބީ ޑާންސް ސްޓައިލެކެވެ.
View this post on Instagram
ޝިލްޕާގެ މަސައްކަތަށް ބަލާއިރު އޭނާ މިހާރު އަންނަނީ "ސުޕަ ޑާންސަރ" ގެ ޖަޖުކަން ކުރަމުންނެވެ. މީގެ އިތުރުން ޝިލްޕާއަށް ކޮމެޑީ ޝޯވ އެއްގެ ޖަޖުކަން ލިބިފައި ވާކަމަށްވެސް ޚަބަރުތައް ވަނީ ފެތުރިފަ އެވެ.
އަދި ހަމައެހެންމެ ދުވަސްތަކަކަށް ފަހު ބޮޑު ސްކުރީނަށް އެނބުރި އައުމަށް ވެސް އޭނާ ދަނީ މަސައްކަތް ކުރަމުނެވެ. އެގޮތުން އޭނާ މިހާރު ވަނީ ދެފިލްމެއްގެ ޝޫޓިންގ ފަށާފަ އެވެ. އެއީ "ހަންގާމާ 2″ އާއި "ނިކަންމާ"އެވެ.
