އަންހެނުން ހިތާނު ކުރަން ހިތްވަރު ދޭ ކަމަށް ބުނެ، ޑރ. އިޔާޒާ ދެކޮޅަށް މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމް ހުށަހަޅާފައިވާ މައްސަލަކީ އިލްމީ ދިރާސާތަކަށް އިހުތިރާމު ކުރަން ނޭގުމުން، ހުށަހެޅުއްވި މައްސަލައެއް ކަމުގައި ދީނީ އިލްމުވެރިޔާ ޑރ.މުހައްމަދު އިޔާޒު ވިދާޅުވެއްޖެއެވެ.
އަންހެނުން ހިތާނަކުރުމަށް ހތްވަރުލިބޭގޮތަށް ދީނީ ޢިލްމުވެރިޔާ ޑރ.މުޙައްމަދު އިޔާޟް ކުރެއްވި ޓްވީޓެއްގެ މައްސަލަ ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީއަށް މީކާއިލް ވަނީ ހުށަހަޅާފައެވެ. މިމައްސަލަ ހުށަހެޅުއްވުމާއި ގުޅިގެން އިޔާޒު ވިދާޅުވީ ޢިލްމީގޮތުން ހެދިފައިވާ ދިރާސާތަކަށް ނުބައްލަވައި އެކަންކަން އެގިވަޑައި ނުގަތުމަކީ ދެރަކަމެއްކަމަށެވެ.
އަދި މިމައްސަލަ މަޖިލީހަށް ހުށަހެޅުއްވި މެމްބަރަކީ ޚިޔާލުފާޅު ކުރުމުގެ މިނިވަންކަން ދެއްވީ ތިމަންނާމެންކަމަށްބުނެ ވަކާލާތު ކުރައްވާ މީހުންގެ ތެރޭގައި ހުންނެވި ބޭފުޅެއްކަމަށާއި، މިއީ އެއްވެސް ތާކުން ތާނުކުޖެހޭ މައްސަލައެއް ކަމަށް އިޔާޒު ވިދާޅުވިއެވެ. އަދި މިއީ ކަނޑައެޅިގެން ބިރުދެއްކަމަށް ކުރެވޭ މަސައްކަތެއްގެ ގޮތުގައި އިޔާޒު ވިދާޅުވިއެވެ.
ޚިޔާލުފާޅު ކުރުމުގެ މިނިވަންކަން އޮންނަންވާނެޔޭ އެމިނިވަންކަން ހޯދައިދިނީ ތިމަންމެންނޭ ކިޔައިގެން ވާހަަކަ ދައްކަވާ ބޭފުޅުން ކީއްވެގެެންބާ ޢިލްމީ ދިރާސާ ތަކަށް އިޙްތިރާމް ކުރައްވަން އެނގިވަޑައިނުގަންނަވަނީ. ތިޔަބޭފުޅުންގެ ޑިމޮކްރަސީގައި އޮންނަ ގޮތަކީ އެއީތޯ؟
– ޑރ.އިޔާޒު ވިދާޅުވިއެވެ.
ކޮމެންޓު ފޮނުވާ