އައިވަރީ ކޯސްޓުގެ ރައީސް އަލަސާން އޮޓާރާ، 2019ވަނަ އަހަރުގެ ފަހުކޮޅު މަގާމުން ދުރުކޮށް، އެގައުމަށް ބަޢާވާތެް ގެންނަން އުޅުނުކަމުގެ ތުހުމަތުގައި، ޢައިރު ހާޒިރުގައި ޝަރީއަތްކޮށް، އެގައުމުގެ ކުރީގެ ބޮޑުވަޒީރު، އަދި ކުރީގެ ގެރިއްލާ ހަގުރާމެވެރި ލީޑަރެއްކަމުގައިވާ ގުއިލައުމެ ސޮރޯ އުމުރަށް ޖަލަސްލާން އައިވަރީ ކޯސްޓުގެ ކޯޓަކުން ހުކުމް ކޮށްފިއެވެ.
ބުނަ ދުވަހުގެ މު ހުކުމް އައީ، ޔޫރަޕަށް އަމިއްލައަށް އަރުވާލެވިގެން ހުންނެވި، އުމުރުން 49 އަހަރުގެ ސޮރޯގެ މައްޗަށް ސަރުކާރު ވައްޓާކުމާއި އަދި އައިވަރީ ކޯސްޓުގެ ބައެއް މުވައްސަސާތަކަށް ހަމަލާދޭން އޭނާ މަސަކަތް ކުރަމުންދާކަމުގެ ތުހުމަތު ކުރުމަށްފަހުއެވެ.
އެހެންނަމަވެސް އޭނާގެ ގާނޫނީ ވަކީލު ކުރިންވަނީ، ސޮރޯގެ މައްޗަށް ކުރެވެމުންދާ ތުހުމަތުތަކަކީ ސިސާޔީ ތުހުމަތުތަކެއް ކަމުގައި ވިދާޅުވެ، އޭނާއާއި ދެކޮަޅަށް އެއްވެސް ހެއްލެއް ދެއްކިފައި ނުވާކަމަށް ވިދާޅުވެފައެވެ.
ސޮރޯގެ ގާތް ދެ އެކުވެރިކަމުގައިވާ ސުލައިމާން ކަމަގަޓޭ އާއި އެފޮސީ ބަންބާއަށް، ކޮންމެ މީހެއްގެ މައްޗަށްވެސް ކޯޓުން 20 އަހަރަށް ޖަލަށްލާން ހުކުމް ކުރިއެވެ. އަދި މީގެ އިތުރުން ސޮރޯގެ ދެ ބޭބެއަކަށާއި އަދި އެނާގެ ކުރީގެ އެހީތެރިއެއް ކަމުގައިވާ އަކައިން ލޮބޮގްނޮންގެ މައްޗަށް، އާންމު މަސްލަހަތަށް ނުރައްކާ ކުރުމުގެ ތުހުމަތުގައި 17 މަސްދުވަހުގެ ޖަލުހުކުމްވެސް ވަނީ އިއްވާފައެވެ.
އަދި މީގެއިތުރުން، ކޯޓުންވަނީ، ސޮރޯއާއި އޭނާގެ އިތުރުން ބާޢާވާތްކުރަން އުޅުނުކަމުގެ ތުހުމަތު ކުރެވޭ އިތުރު 19 މީހެއްގެ މުދާތައް ހިފެހެއްޓުމަށް އަމުރުކޮށް، އޭނާގެ "ޖެނެރޭޝަސް އެންޑް ސޮލިޑާރިޓީ މޫވްމަންޓް" އުވާލުމަށްވެސް އަމުރު ކޮށްފައެވެ. އަދި ކޯޓުންވަނީ މި އެންމެންވެސް، 179 މިލިއަން އެމެރިކާ ޑޮލަރު އައިވަރީ ކޯސްޓުގެ ސަރުކާރަށް ދެއްކުމަށްވެސް ހުކުމް ކޮށްފައެވެ.
މި ހުކުމާއި ގުޅިގެން ސޮރޯގެ ފަރާތުން އަދި އެއްވެސް ކޮމެންޓެއް މީޑިއާތަކަށް ލިބިފައެއް ނުވެއެވެ.
އައިވަރީ ކޯސްޓުގެ ކޯޓުގެ މި ހުކުމުގެ ސަބަބުން އެގައުމުގައި މަސްރަހުވަނީ ހޫނު ވެފައެވެ. އައިވަރީ ކޯސްޓު އަދިވެސް ވަނީ، މީގެ 10 ވަރަކަށް އަހަރު ކުރިން ނުމުމަކަށް އައިސްފައިވާ، އެގައުމުގައި ކުރިޔަށްދިޔަ އަހުލީ ހަގުރާމައިން އަރައިގަތުމަށް މަސައްކަތް ކުރަމުންނެވެ. އަހުލީ ހަގުރާމަ ނިމި ދިއުމަށްފަހު، ބޭއްވުނު އިންތިޚާބުގައި އޭރުގެ އެގައުމުގެ ރައީސް ލޯރެންޓް ގަބޯ ބަލި ގަބޫލު ކުރުމަށް ދެކޮޅު ހެއްދެވިނަމަވެސް، އިންތިޚާބު ކާމިޔާބުކޮށް ވެރިކަމަށް ވަޑައިގެންނެވީ އޮޓާރާއެވެ.
އައިވަރީ ކޯސްޓުގެ ޒުވާނުންގެ މެދުގައި ބޮޑު މަގުބޫލުކަމެއް އޮންނަ ކަމަށް ބެލެވޭ ސޮރޯއަކީ އޮޓާރާގެ ވެރިކަމުގައި އެގައުމުގެ ބޮޑުވަޒީރުކަމުގެ އިތުރުން ގާނޫނު ހަދާ މަޖިލީހުގެ ރައީސްކަންވެސް ކުރެއްވި ބޭފުޅެކެވެ.
އެހެންނަމަވެސް، ފަހުން ދެބޭފުުންގެ ޚިޔާލުތަފާތުވުން ބޮޑުވެ، ރައީސް އޮޓާރާ ފަހުން ވިދާޅުވެފައިވަނީ، ސޮރޯ އެގައުމުގެ ރައީސްކަމަށް ވަޑައިގެންނެވުމަށް ދެކެމުންދާ ހުވަފެންތައް ހަގީގަތަކަށް ވެގެންދިޔަ ނުދެއްވާނެ ކަމަށެވެ.
2020ވަނަ އަހަރު އައިވަރީ ކޯސްޓުގައި ބޭއްވުނު ރިޔާސީ އިންތިޚާބުގައި ވާދަ ކުރުމުންމަނާކުރެވުނު 40 ކެނޑިޑޭޓުންގެ ތެރޭގައި ސޮރޯ ހިމެނެއެވެ. އެ އިންތިޚާބު %94ގެ ބޮޑު އަޢުލަބިއްޔަތަކުން 3 ވަނަ ދައުރަކަށް އެގައުމުގެ އިންތިޚާބު ވެވަޑައިގަތީ އޮޓާރާއެވެ.
