ނ.މިލަދޫ ބަނދަރުގެ މަސައްކަތް ނިމުމަކާއި ކައިރިވެފައިވާކަމަށް މިމަސައްކަތް ކުރަމުންދާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން ބުނެފައިވަނީ ނ. މިލަދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، އައު ހާބަރ ބޭސިން ފުންކުރުމުގެ މަސައްކަތުގެ 91 ޕަސެންޓާޢި ބޭރުތޮށި ލުމުގެ މަސައްކަތުގެ 75 ޕަސެންޓް މިހާރުވަނީ ނިމިފައި ވާކަމަށެވެ.
New harbor basin dredging operations and breakwater construction for N. Miladhoo Harbor Project are currently ongoing, with 91% and 75% completion respectively. The value of the project is MVR 42.1 million.#MTCCProjects pic.twitter.com/sjjsk9hOaj
— MTCC Plc (@MTCCPlc) June 21, 2021
މިލަދޫ ބަނދަރު މަޝްރޫއުގައި 37،222 ކިއުބިކު މީޓަރުގެ ބަނދަރު ފުންކުރުމާއި، 248 މީޓަރުގެ ބޭރުތޮށި ލުމާއި 137 މީޓަރުގެ ރިވެޓުމަންޓު ޖެހުމުގެ އިތުރުން 286 މީޓަރުގެ އެއްގަމު ތޮށި ލާނެ އެވެ. އަދި 1،430 އަކަ މީޓަރަށް ޕޭމަންޓު ހަދައި ނެރު ބައްތި ޖަހައި މަގުމަތި ބައްތި ހަރު ކުރާނެ އެވެ.
މާޗު 25، 2020 ގައި ހަވާލުކޮށްފައިވާ މިލަދޫ ބަނދަރުގެ މަސައްކަތުގެ އަގަކީ 42.1 މިލިއަން ރުފިޔާ އެވެ.
ސަރުކާރާއި ރައްޔިތުންގެ ހިއްސާ އޮންނަ އެމްޓީސީސީން ރަށްރަށުގައި ހިންގާ ޕްރޮޖެކްޓްްތަކު މަސައްކަތްތަކުގެ ތަފުސީލުތައް ޕަސެންޓުން، ކައިރި ކައިރީގައި ކޮންމެ ދުވަހަކު ޓްވިޓާގައި އަޕްޑޭޓް ކުރެއެވެ.
ކޮމެންޓު ފޮނުވާ