އެންމެ ދުރަށް މޮޓޯ ސައިކަލްގައި ފުންމައިގެން 2013 ވަނަ އަހަރު ދުނިޔޭގެ ރެކޯޑް ފޮތުން ޖާގަ ހޯދާފައިވާ އެމެރިކާގެ އެލެކްސް ހާވިލް، ރޭމްޕު މަތިން މޮޓޯ ސައިކަލްުގައި އެންމެ އުހަށް ފުންމައިގެން ދުނިޔޭގެ ރެކޯޑު މުގުރާލުމުގެ ރެކޯޑް ހެދުމަށް ތަމްރީން ހަދަމުން ދަނިކޮށް ކުރިމަތިވި އެކްސިޑެންޓެއްގައި، ލިބުނު އަނިޔާތަކަށް ފަރުވާ ދެމުން ދަނިކޮށް އޭނާ މަރުވެފައިވާކަން އެމެރިކާގެ ވޮޝިންޓަން ސްޓޭޓުގެ އޮފިޝަލުން ހާމަ ކޮށްފިއެވެ. މަރުވިއިރު ހާވިލްގެ އުމުރަކީ 28 އަހަރެވެ.
"އެކްސްގެ އާއިލާއަށާއި އަދި އެކުވެރިންނަށް އަހަރުމެން އިޚްލާސްތެރި ތައުޒިޔާ ކިޔަން،" އެލެކްސްގެ މަރު ސާބިތު ކުރުމަށްފަހު، ނެރުނު ބަޔާނެއްގައި އޮފިޝަލު ކްރެއިގް މޮރިސަން ވިދާޅުވެފައި ވެއެވެ.
ހާވިލް ރެކޯޑު ހެދުމަށް މި ހަފްތާގެ ބުރާސްފަތި ދުވަހު ބޭއްވުމަށް ހަމަޖެހިފައިވާ އިވެންޓް އޯގަނައިޒް ކުރަމުން ދިޔަ ފަރާތް ކަމުގައިވާ، މޫސެސް ލޭކް އެއަރ ޝޯވް އިން ބުނެފައިވާ ގޮތުގައި، އެމެރިކާގެ ވޮޝިންގޓަންގެ އެފްރާޓާގައި ދިރިއުޅެމުންދިޔަ ހާވިލް އުއްމީދު ކުރަމުން ދިޔައީ، މޮޓޯ ސައިކަލުގައި 350 ފޫޓު އުހަށް ފުންމައިގެން މީގެ ކުރިން ހަދާފައިވާ ދުނިޔޭގެ ރެކޯޑު މުރާލުމަށެވެ.
Motorcycle stuntman/daredevil Alex Harvill dies in crash at Moses Lake Airshow during world-record attempt pic.twitter.com/7RESqqQiCA
— dubseatv (@DubseaTV) June 18, 2021
ގްރާންޓް ކައުންޓީ އިންޓަރނޭޝަނަލް އެއަރޕޯޓުގައި، ހާވިލް ފަރިތަ ކުރުމުގެ ގޮތުން މޮޓޯ ސައިކަލުގައި މައްޗަށް ފުންމަމުން ދަނިކޮށް ނަގާފައިވާ ވީޑިއޯތައް ވަނީ ސޯޝަލް މީޑިއާގައި ދައުރު ވެފައެވެ. މި ވީޑިއޯއިން ފެންނަ ގޮތުގައި ވަރަށް އިސްކޮށް ހަދާފައިވަ ރޭމްޕްގެ އެންމެ މައްޗާ ހަމައަށް ސައިކަލުގައި ހާވިލް ދުއްވާފައި ގޮސް، އެބުރި ރޭމްޕްގެ ޕްލެޓްފޯމަށް ތިރި ކުރުމުގެ ކުރިން، ސައިކަލުން ވިއްސައިގެން ދާ މަންޒަރު ފެނެއެވެ.
ހާވިލް މުގުރާލުމަށް މަސައްކަތް ކުރަމުން ދިޔައީ، 2008 ވަނަ އަހަރުގެ މާރޗް މަހުގެ 29 ވަނަ ދުވަހު، އޮސްޓްރޭލިއާގެ ރޮއްބީ މެޑިސަން ގާއިމް ކޮށްފައިވަ ރެކޯޑެވެ.
ހާވިލް ވަނީ، 2013 ވަނަ އަހަރު، މޮޓޯ ސައިކަލުގައި، 297 ފޫޓު ދުރަށް ފުންމައިގެން ދުނިޔޭގެ ރެކޯޑު ފޮތުން ޖާގަ ހޯދާފައެވެ.
"މަރުވި ސަބަބު ތައް ދެނެގަތުމުގެ ގޮތުން، ހުކުރު ދުވަހު އޮޓޮޕްސީ ހެދުމަށް ވަނީ ހަމަޖެހިފައި،" ގްރާންޓް ކައުންޓީގެ އޮފިޝަލުންގެ ފަރާތުން ހާމަ ކޮށްފައި ވެއެވެ.
