ކަރީނާ ކަޕޫރް އިންސްޓަގްރާމް މެދުވެރިކޮށް ހުކުރު ދުވަހު ވަނީ އޭނާގެ އާ "ނޯ މޭކަޕް ލުކް" ބެލުންތެރިންނަށް ދައްކާލާފަ އެވެ. އަދި ހަމަ އެހެންމެ އޭނާގެ އާ ޓީޝާޓު ވެސް މި ފޮޓޯއިން ފެނިގެން ދެއެވެ.
މި ފޮޓޯއިން ކަރީނާ ފެނިގެންދަނީ ހުދު ކުލައިގެ ޓީޝާޓެއްގަ އެވެ. މި ޓީޝާޓްގައި "ފްރެޖައިލް" މިހެން ޖަހާފައި ހުއްޓެވެ. މި ފޮޓޯ ހިއްސާކުރަމުން "# ފްރެޖައިލްފްރައިޑޭ" މިހެން ލިޔެފައިވެ އެވެ.
އިންސްޓަގްރާމް ސްޓޯރީގައި ހިއްސަކުރި މި ފޮޓޯގައި އޭނާގެ ރާޅު އިސްތަށިގަނޑުން އޭނާގެ މޫނުގެ އެއްފަޅި ފޮރުވިފައިވާ އިރު އެއްވެސް މޭކަޕެއް ކޮށްފައިނުވާކަންވެސް މިފޮޓޯއިން ފެނިގެން ދެއެވެ.
View this post on Instagram
ފުރަބަންދުގެ މި ދުވަސްކޮޅުގައިވެސް ކަރީނާ ދަނީ އާންމު ދިރިއުޅުމުގެ ފޮޓޯތައް ހިއްސާކުރަމުންނެވެ. ވަރަށް ފަހުން އެނާވަނީ އޭނާގެ ގޭގެ ފޮޓޯ އަދި ވީޑިއޯ ހިއްސާކޮށްފަ އެވެ.
އަދި ހަމަ އެހެންމެ ތިމާވެށީގެ ދުވަހު ނަގާފައިވާ އޭނާގެ ދަރިފުޅު ތައިމުރުގެ ފޮޓޯތަކެއް ވެސް އޭނާ ވަނީ ހިއްސާކޮށްފަ އެވެ. ކަރީނާ އާއި އޭނާގެ ފިރިމީގާ ސައިފް އަލީ ޚާން ވަނީ ފެބުރުވަރީ މަހު ދެމަފިރިންގެ ދެވަނަ ފިރިހެން ދަރިފުޅަށް މަރުހަބާ ކިޔާފައެވެ. އެހެންނަމަ ވެސް މި ދަރިފުޅުގެ ނަން އަދި ފޮޓޯ މި ދެފަންނާނުން ވެސް މިހާތަނަށް ބެލުންތެރިންނާއި ހިއްސާކޮށްފައެއް ނުވެއެވެ.
