ކުޅުދުއްފުށީ ވެލިގަނޑު ސަރަހައްދުގެ މޫނުމަތި ތަރައްގީކޮށް އެސަރަހައްދުގެ ބަނދަރު ބޮޑުކުރުމުގެ މަސްރޫއުގެ މަސައްކަތް މިމަހުގެ ނިޔަލަށް ނިމެނޭކަމަށް އެމްޓީސީސީން ހާމަކޮށްފިއެވެ.
އެމްޓީސީސީން ހާމަކޮށްފައިވާ ގޮތުގައި މިމަސައްކަތުގެ ތެރެއިން ބަނދަރު ފުޅާކުރުމުގެ މަސައްކަތުގެ 98 ޕަސެންޓް ނިމިފައިވާކަމަށެވެ. އަދި މަޝްރޫޢުގެ ތެރެއިން ކުރިން ފުންކޮށްފައިވާ ފަޅު އަލުން ފުންކުރުމުގެ މަސައްކަތުގެ 30 ޕަސެންޓް ވަނީ ނިމިފައިވާކަމެވެ. މި މަޝްރޫޢުގެ މަސައްކަތް މިމަހުގެ ނިޔަލަށް ކުރެވޭތޯ އެމްޓީސީސީން ދަނީ މަސައްކަތް ކުރަމުންނެވެ.
ހދ. ކުޅުދުއްފުށީ ބަނދަރު ފުޅާކޮށް ބޮޑުކުރުމުގެ މަޝްރޫޢުގެ މަސައްކަތުގެ 98 ޕަސެންޓް މިހާރުވަނީ ނިމިފައި. މި މަޝްރޫޢުގެ ތެރެއިން ކުރިން ފުންކޮށްފައިވާ ފަޅު އަލުން ފުންކުރުމުގެ މަސައްކަތުގެ 30 ޕަސެންޓް ވަނީ ނިމިފައި. މި މަޝްރޫޢު ނިމޭނެކަމަށް ލަފާކުރެވެނީ 30 އޮކްޓޯބަރ 2020 ގައި. pic.twitter.com/F5egL2p2J8
— MTCC Plc (@MTCCPlc) October 22, 2020
އޭޑީބީގެ ހިލޭ އެހީގެ ދަށުން ތަރައްގީކުރާ މިބަނދަރަކީ 1100 ފޫޓް ދިގު 500 ފޫޓް ފުޅާ ބަނދަރެކެވެ. މި މަޝްރޫއުއަކީ 126.9 މިލިއަން ރުފިޔާގެ މަޝްރޫއުއެއް ކަމަށް އެމްޓީސީސީއިން މައުލޫމާތުދެއެވެ.
މި މަޝްރޫއުގައި މުދާ އުފުލުމާއި ދަތުރުވެރިންނަށް ޚާއްސަ ބަނދަރެއް ހަދައި އައު ނެރެއް ކެނޑުން ހިމެނޭއިރު، ކުދި އުޅަނދުފަހަރަށް ވަކި ޖެޓީތަކެއް ހެދުމާއި މުދާ އުފުލައި ބޭލުމަށް ރޭމްޕެއްވެސް ވަނީ ހަދާފައެވެ. އަދި ބަނދަރު ބޭރުތޮށީގައި އޮޑިދޯނިފަހަރު އަޅާއިރު ބަނދަރުގެ އަރިމަތީ ތޮށީގައިވެސް ޖެޓީތަކެއްވެސް ވަނީ ލާފައެވެ.
ކޮމެންޓު ފޮނުވާ