މިހާރު ދުނިޔޭގެ އެކި ކަންކޮޅުތަކުގައި ފެތުރެމުންދާ ކޯވިޑް19 ވޭރިއަންޓްތަކަށް އެ ވޭރިއެންޓްތައް އެންމެ ފުރަތަމަ ފެނިގެން ގޮސްފައިވާ ގައުމުތަކަށް ނިސްބަތްކޮށް ތަފާތު އެކި ނަންނަމުން ކިޔަމުންދާ ދިއުން ހުއްޓުވުމަށާއި، އަދި މިގޮތަށް ވޭރިއަންތައް އެކިގައުމުތަކަށް ނިސްބަތްކުރަމުން ދިއުމުގެ ސަބަބުން އެގައުމުތަކުގައި ހުރި ކަންބޮޑުވުންތަކާވެސް ގުޅިގެން، ދުނިޔޭގެ ސިއްހަތު ޖަމިއްޔާ (WHO)އިން، މިހާރު ދުނިޔޭގައި ފެތުރެމުންދަ ކޯވިޑް19ގެ މައިގަޑު ވޭރިއެންޓްތަކަށް ގްރީކު ގަހުގެ އަލްފަބެޓިކް އަކުރުތަކުން ނަން ދީފިއެވެ.
ދުނިޔޭގެ ސިއްހަތު ޖަމިއްޔާއިން ބުނެފައިވާގޮތުގައި، މިހާރު އިއުލާންކޮށްފައިވާ އުސޫލުތައް ބޭނުން ކުރެވިގެންދާނީ، މިވަގުތަށް ފާހަގަ ވެފައިވާ އެންމެ ނުރައްކާތެރި 4 ވޭރިއަންޓަށާއި އަދި މީގެ އިތުރުން ފާހަ ކުރެވެމުންދާ ދެވަނަ ދަރަޖައިގެ ވޭރިއެންޓަތަކަށް ނަން ދިނުމަށެވެ.
"ވޭރިއެންޓްތަކަށް ދީފައިވާ ސައިޓިފިކް ނަންތައް ދިނުމުގައި އޭގެޒާތުގައި ފައިދާތަކެއް ހުއްޓަސް، ދެވިފައިވާ ސައިންޓިފިކް ނަންތަކަކީ، ކިޔަން އުދަގޫ، އަދި ތަފާތު ގޮތްގޮތަށް މާނުކުރުމުގެ ފުރުސަތު އޮންނާނެ ނަންތަކެއް ކަމުގައި ގަބޫލުކުރަން،" ޑަބްލިއުއެޗްއޯއިން ނެރުނު ސްޓޭޓްމަންޓުގައި ބުނެފައި ވެއެވެ.
"އެހެންކަމުން، މީގެ ނަތީޖާއެއްގެ ގޮތުން ގިނަބަޔަކު، އެ ވޭރިއެެންޓެއް އެންމެ ފުރަތަމަ ފެނިފައިވާ ގައުމަކަށް ނުވަތަ ސަރަހައްދަކަށް ނިސްބަތްކޮށް މުޚާތަބުކޮށް، ވޭރިއެއްޓުގެ ނަމެއްގެ ގޮތުގައި ބަލައިގަނެފައިވޭ، އަދި މިއީ ބަލައިގަންނަން އުދަގޫ، ނަސްލީ ތަފާތުކުރުންތަކަށް މަގުފަހި ކޮށްދެނެ ކަމެއްވެސްމެ."
Today, @WHO announces new, easy-to-say labels for #SARSCoV2 Variants of Concern (VOCs) & Interest (VOIs)
They will not replace existing scientific names, but are aimed to help in public discussion of VOI/VOC
Read more here (will be live soon):
https://t.co/VNvjJn8Xcv#COVID19 pic.twitter.com/L9YOfxmKW7— Maria Van Kerkhove (@mvankerkhove) May 31, 2021
ޔޫއެންގެ ސިއްހަތު ޖަމިއްޔާއިން ފާހަގަ ކޮށްފައިވާ، ދުނިޔޭގައި ފެތުރެމުންދާ ކޯވިޑް19ގެ މައިގަޑު އެންމެ ނުރައްކާތެރި 4 ވޭރިއެންޓް އާންމުންގެ ތެރޭގައި މިހާރު ނިސްބަތް ކުރެވެމުންދަނީ، ޔޫކޭ، ސައުތު އެފްރިކާ، ބްރެޒިލް އަދި އިންޑިއާ ވޭރިއެންޓްގެ ގޮތުގައެވެ. އެހެންނަމަވެސް، ސިއްޙަތު ޖަމިއްޔާއިން މި ވޭރިއެންތްތަކަށް މިހާރު ނަން ދީފައިވަނީ ގްރީކްގެ ބަހުގެ އަކުރުތައް ކަމުގައިވާ އަލްފާ، ބީޓާ، ގާމާ، ޑެލްޓާ، މި އަކުރުތަކުންނެވެ. މިއަކުރުތަކުން ވޭރިއެންޓްތަކަށް ނަން ދީފައިވަނި، ވޭރިއެންޓްތައް ފެނިފައިވާ ތަރުތީބުންނެވެ.
މިއަށްފަހު ފެނިފައިވާ ވޭރިއެންޓްތަކަށް ދީފައިވަނީ، ވޭރިއެންޓްތައް ފެނިފައިވާ ތަރުތީބުން، މި އަކުރުތަކުގެ ފަހަތުން އަންނަ އަކުރުތައް ވޭރިއެންޓްތަކަށް ޚާއްސަ ކޮށްގެންނެވެ.
"މިހާރު ފެނިފައިވާ ވޭރިއެންތްތަކަށް މި އަކުރުތަކުގެ ނަންތައް ކިޔަމުން ދިޔަނަމަވެސް، ވޭރިއެންޓްތަކަށް ދީފައިވާ ސައިންޓިފިކް ނަންތަކަށް ބަދަލެއް ނާންނާނެ. އަދި ކުރެވޭ ތަހުލީލުތަކުގައި އެ ނަންތައް ބޭނުން ކުރެވެމުންދާނެ. ސަބަބަކީ، މި ވޭރިއެންޓަތަކަށް ދީފައިވާ ސައިންޓިފިކް ނަންތަކަކީ، ވޭރިއެންޓްތަކާގުޅޭ ސައިންޓިފިކް އެތަކެއް މައުލުމާތުތަކެއް އެ ނަންތަކުގައި ހިމެނޭ ނަންތަކަކަށް ވާތީވެ،" ޑަބްލިއިއެޗްއޯގެ ޓެކްނިކްލް ލީޑް މާރިއާ ވޭން ކެރްޚޯވް ޓުވީޓް ކޮށްފައި ވެއެވެ.
ޑަބްލިއުއެޗްއޯއިންވަނީ، މީޑިއާތަކުންނާއި އަދި ގައުމުތަކުގެ ކަމާ ގުޅުންހުރި މުވައްސަސާތަކުންވެސް މިހާރު އަލަށް ތައާރަފްކުރިން އަކުރުތަކުގެ ބޭނުންކޮށްގެން ވޭރިއެންޓްތަކަށް ނިސްބަތް ކުރަމުންދިއުމަށް ގޮވާލައްވާފައެވެ.
