ކުޑަ ކުދިންގެ ޑާންސް ރިއަލިޓީ ޝޯއެއް ކަމަށްވާ ސުޕާރ ޑާންސާ 4 އަކީ ބެލުންތެރިންގެ މެދުގަސި ވަރަށް މަޝްހޫރު ޝޯއެކެވެ. މި ޝޯގެ ސްޓޭޖުން ހުނަރުވެރި އެތަކެއް ކުދިން ވަނީ ފެނިގެން ގޮސްފައެވެ. މި ޝޯގެ ޖަޖުންނަކީ ޝިލްޕާ ޝެއްޓީ އަނުރާގް ބާސޫ އަދި ގީތާ ކަޕޫރެވެ.
މި ޝޯގެ އެޕިސޯޑެއްގައި ސުނިލް ޝެއްޓީ ވަނީ ގެސްޓް ޖަޖެއްގެ ގޮތުގައި ފެނިގެން ގޮސްފައެވެ. މި ޝޯވގެ ތެރެއިން ސުނިލް އަދި ޝިލްޕާ ވަނީ މިދެމީހުންގެ ވަރަށް މަޝްހޫރު ފިލްމެއް ކަމަށްވާ ދަޅްކަންގެ ސީންއެއް ރީކްރިއޭޓް ކޮށްފަ އެވެ.
އެގޮތުން މި ދެފަންނާނުން ވަނީ ފިލްމުގެ ބައެއް ޑައިލޮގުގެ އިތުރުން ލަވަ "ދިލްނޭ ޔޭ ކަހާޔެ ދިލްސޭ" ގެ ތަންކޮޅެއް ހުށަހަޅައިދީފަ އެވެ. މި ހުށަހެޅުން ވަރަށް ގިނަ ބަޔަކަށް ވަނީ ކަމުގޮސްފަ އެވެ.
Dhadkan hogi tez jab milenge Shilpa Shetty and Suniel Shetty stage par.
Dekhiye #SuperDancerChapter4, iss weekend Sat-Sun, raat 8 baje, Sony par.@geetakapur @basuanurag @TheShilpaShetty @SunielVShetty pic.twitter.com/TBVTL87Ejy
— sonytv (@SonyTV) May 27, 2021
ސުނިލް އާއި ޝިލްޕާގެ ސުޕަހިޓް މި ފިލްމުގެ ހަނދާންތައް 20 އަހަރު ދުވަސް ފަހުން އާކުރަމުން ޝިލްޕާ ބުނީ "ދިލްނޭ ޔޭ ކަހާޔެ ދިލްސޭ" މުޅި ލަވަ ޝޫޓް ކުރަން 5 އަހަރު ނެގިކަމަށެވެ. ސުނިލް އާއި ޝިލްޕާގެ އިތުރުން ލީޑުން އަކްޝޭ ކުމާރު ފެނިގެންދިޔަ މި ފިލްމުގައި ހިތުން ފިލައިގެން ނުދާފަދަ މިފަދަ ގިނަ ލަވަތަކެއް ހިމަނާފައި ވެއެވެ.
