ޗެމްޕިއަންސް ލީގު ފުޓްބޯޅަ މުބާރާތުގައި ސްޕެއިންގެ ރެއާލް މެޑްރިޑަށް ޔުކްރެއިންގެ ޝަހަތަރު ޑޮންސްކޭ ވާދަކޮށް ބަލިވެއްޖެއެވެ.
މުބާރާތުގެ އެންމެ ކާމިޔާބު ޓީމު މެޑްރިޑު ބަލިވީ 3-2 ލަނޑުންނެވެ. ރެއާލްމެޑްރިޑުގެ ދަނޑުގައި ކުޅުނު މެޗުގެ ފުރަތަމަހާފްގައި ޝަހްތަރުން ވަނީ މޮޅުކުޅުމެއް ދައްކާ މެޑްރިޑު ހައިރާން ކޮއްލާފައެވެ. ޝަހްތަރުން ޖެހި ތިންލަނޑުވެސް ޖެހީ މިހާފުގައިއެވެ.
މެޗުގެ ފުރަތަމަ ލަނޑު ފުރަތަމަހާފުގެ 29 ވަނަ މިނިޓުގައި ކާމިޔާބުކޮއްދިނީ ކާޑޯސޯ ލެމޯސް މާޓިންއެވެ. ޝަހުތަރުން ލަނޑުޖެހިތާ ހަތަރު މިނިޓުފަހުން މެޑްރިޑުގެ ރަފޭލް ވެރާނާ އަތުން ބައިކޮޅަށް ވަތްލަނޑު އިތުރަށް ލީޑު ފުޅާވިއެވެ. ޝަހަތަރުން މެޗުގައި ކާމިޔާބުކުރި ތިންވަނަ ލަނޑު ފުރަތަމަހާފް ނިމެން ދެމިނިޓަށް ވެފައިވަނިކޮށް ކާމިޔާބުކޮއްދިނީ މަނޮރް ސޯލޯމޮންއެވެ.
މެޗުގެ ފުރަތަމަ ހާފްގައި ޝަހަތަރުން މެޑްރިޑް ކޮޅަށް ތިންލަނޑު ޖެހުމާއެކު އެޓީމުން ދެވަނަ ހާފްފެށީ ބަދަލުތަކަކާ އެކުއެވެ. މިހާފްގައި ކަރިމް ބެންޒީމާ އާއި ވިނިޝަސް ޖޫނިޔާރ ކުޅެންނުކުތެވެ. ނަތީޖާއެއް ގޮތުން ދެވަނަ ހާފްފަށައިގެން 9 ވަނަ މިނިޓުގެ ތެރޭގައި ރެއާލުން މެޗު ފުރަތަމަ ލަނޑު ކާމިޔާބުކުރިއެވެ. މިލަނޑު އެޓީމަށް ކާމިޔާބުކޮއްދިނީ ލުކާ މޮޑްރިޗްއެވެ. މެޗުގެ މެޑްރިޑުގެ ދެވަނަ ލަނޑު ވިނިޝަސް ޖޫނިޔަރ ކާމިޔާބުކޮއްދިނީ ކުޅެން ނުކުތްތާ މިނިޓެއްގެ ތެރޭގައިއެވެ.
މެޗުގެ އިތުރު ވަގަތު ތެރޭގައި މެޑްރިޑުގެ ފެޑްރީސިޔޯ ވަލްވާޑޭ ލަނޑެއް ކާމިޔާބުކޮށް ނަތީޖާ ހަމަހަމަކުރި ނަމެވެސް ރެފްރީ ވަނީ ވީއޭއާރް ބެލުމަށްފަހު ލަނޑިޖެހުމުގެ ކުރިން ކުޅުންތެރިޔާ ހުރީ އޮފްސައިޑުގައިކަމަށް ނިންމާފައެވެ. މިއީ ވިދިވިދިގެން މެޑްރިޑު ބަލިވި ދެވަނަ މެޗެވެ.
މިއީ 2005 ވަނަ އަހަރުލިޔޯން އިން މެޑްރިޑު ކޮޅަށް ފުރަތަމަހާފްގައި 3 ލަނޑުޖެހި ފަހުން އެޓީމުކޮޅަށް ފުރަތަމަހާފްގައި ތިން ލަނޑުޖެހި ފުރަތަމަ ފަހަރުއެވެ. މިއީ މެޑްރިޑުގެ ދަނޑުގައި ބަޔާންމިއުނިކް 2000 ވަނައަހަރު ފުރަތަމަހާފްގައި 3 ލަނޑުޖެހިފަހުން އަމިއްލަދަނޑުގައި ކުޅެ ފުރަތަމަހާފްގައި 3 ލަނޑުވަތް ފުރަތަމަފަހަރުއެވެ.
