ޝިލްޕާ ޝެއްޓީ އާއި ރާޖް ކުންދްރާ އެކުގައި ނަގާފައިވާ "ރޮމޭންޓިކް" ފޮޓޯއެއް ވަނީ ބެލުންތެރިންނާ ހިއްސާކޮށްފަ އެވެ. އެހެންނަމަވެސް މި ފޮޓޯއިން ފެންނަ ގޮތުގައި މި ދެމީހުންގެ ދެމެދުގައި ބިއްލޫރި ޕާޓިޝަނެއް ހުރެއެވެ.
މެއި 7 ވަނަ ދުވަހު ޝިލްޕާ ވަނީ ރާޖާއި އޭނާގެ އާއިލާ އެއްކޮށް ކޯވިޑަށް ޕޮޒިޓިވްވެފައިވާކަން އިއުލާން ކޮށްފައިއެވެ. އެހެންނަމަވެސް ޝިލްޕާގެ ޓެސްޓުގެ ނަތީޖާ އައިސްފައިވަނީ ނެގެޓިވް ކަމަށެވެ. މީގެ އިތުރުން އެގޭގައި އެހީތެރިވާން އުޅުނު ދެމީހަކު ވެސް ވަނީ ޕޮޒިޓިވްވެފަ އެވެ. މި ވަގުތު އެންމެން ވެސް ތިބީ ކަރަންޓީނުގަ އެވެ.
View this post on Instagram
ވަރަށް އަވަހަށް ޝިލްޕާ އޭނާގެ އެކްޓިންގ ކެރިއަރގެ މަސައްކަތްތައް އަލުން ފަށާނެއެވެ. އެގޮތުން ސަބީރް ޚާންގެ "ނިކަންމާ"އިން އޭނާ ފެނިގެން ދާނެއެވެ. މި ފިލްމުން އޭނާގެ އިތުރުން އަބީމަންނު ދަސާނީ އަދި ޝާލީ ސީތާ ވެސް ފެނިގެންދާނެ އެވެ.
