ގިނަ އަހަރުތަކެއްގައި ޔުރަޕާލީގުގައި ވާދަކުރުމަށްފަހު ޗެމްޕިއަންސް ލީގުން ފުރަސަތު ލިބުމުން މިވަގަތު އޭނާ ތަފާތު އިހްސާސްއެއް ކުރެވޭ ކަމަށް ލާޒިޔޯގެ ކޯޗު ސިމިއޮން އިންޒާގީ ބުނެފިއެވެ.
ޗެމްޕިއަންސް ލީގު ފުޓްބޯޅަ މުބާރާތުގައި ގުރޫޕް ސްޓޭޖުގައި ޖަރުމަނުގެ ބްރޫޝިޔާ ޑޯޓްމަންޑާ ދެކޮޅަށް ނުކުންނައިރު އެޓީމަކީ މިވަގުތުގައި ޔޫރަޕުގައި ގަދަ އަށްޓީމުގެ ތެރޭގައި ހިމެނޭ ޓީމެއް ކަމަށް ލާޒިޔޯގެ ސިމިއޯން އިންޒާގީ ބުނެފައިވެއެވެ. މެޗުގެ ކުރިން ވާހަކަދައްކަމުން އިންޒާގީ ބުނީ މުބާރާތުގައި އެހާ ދުވަސްފަހުން ލާޒިޔޯއިން ވާދަކުރާއިރު މުބާރާތުގެ ފެށުން ރަނގަޅުކުރަން ބޭނުންވާކަމަށެވެ. މިމެޗާ ހަމަޔަށް ކުލަބުން ވަރަށް ދިގު އިންތިޒާރެއް ކޮއްފިކަމަށާއި ލާޒިޔޯ އަކީ ވަރުގަދަ ޓީމެއްކަން މިރޭ ޑޯޓްމަންޑަށް ދައްކަންޖެހޭ ކަމަށް އިންޒާގީ ބުނެފައިވެއެވެ.
އަހަރަމެންނަށް އެނގޭ އަހަރެމެން ކުރަން މިއުޅޭނީ ކޮންކަމެއްކަން ، މުބާރާތުގެ ފުރަތަމަ މެޗަކީ ވަރަށް މުހިންމު މެޗެއް ، އަހަރެމެން ނުކުންނާނީ މޮޅުވާން.
– އިންޒާގީ
ލީގުގައި އެންމެފަހުން ސަންޕޮޑްރިޔާ އަތުން 3-0 ލަނޑުން ބަލިވިމެޗުގައި ދެއްކުނީ އަސްލު ކުޅުން ނޫންކަމަށާއި މިޗުގައި ލާޒިޔޯގެ ކުޅުން ތާފާތުވާނެ ކަމަށް އިންޒާގީ ބުނެފައިވެއެވެ. ފުރަތަމަ މެޗާ ކުރަމަތިލާއިރު ވާދަވެރިންނަކީ ޔޫރަޕުގެ މޮޅެތި ޓީމުތަކުގެ ތެރެއިން ޓީމެއް ކަމަށާއި އެޓީމުގައި މޮޅެތި ކުޅުންތެރިންވެސް ތިބިކަމަށެވެ. އެހެންކަމުން މެޗަކީ އުނދަގޫ މެޗަކަށް ވާނެކަމަށް ވެސް އެނާ ބުނެފައިވެއެވެ.
މިއީ 13 އަހަރުފަހުން ލާޒިޔޯ ޗެމްޕިއަންސް ލީގުގެ މެޗެއްގައި ވާދަކުރާ ފުރަތަމަފަހަރެވެ.
