އެޕޯލޯ 11ގައި ކޯމާންޑް މޮޑިއުލް ޕައިލެޓެއްގެ ގޮތުގައި ހަދަށް ދިޔަ، މައިކަލް ކޮލިންސް އުމުރުން 90 އަހަރުގައި ނިޔާ ވެއްޖެއެވެ.
އޭނާ ނިޔާވެފައިވަނީ، ގިނަ ދުވަސްތަކެއް ވަންދެން ކެންސަރާ ހަނގުރާމާ ކުރުމަށްފަހުއެވެ.
ކޯލިންސް ނިޔާވިކަމުގެ ޚަބަރު އޭނާގެ އާއިލާއިން ހިސް ކޮށްފައިވަނީ ކޯލިންސްގެ ފޭސްބުކް ޕޭޖުގައެވެ.
"އަހަރެމެންގެ ބައްޕަ އަދި ކާފަ، ކެންސަރާއި ހަނގުރާމަ ކުރަމުން ދަނިކޮށް، ނިޔާވެފައިވާކަމުގެ ޚަބަރު ވަރަށް ހިތާމާއާއެކު ހިއްސާކުރަން،" ކޯލިންސްގެ ފޭސްބުކު ޕޭޖުގައި އާއިލާން ހިއްސާކޮށްފައިވާ ބަޔާނުގައި ލިޔެފައި ވެއެވެ.
ކޯލިންސްގެ އާއިލާއިން ނެރުނު ބަޔާނުގައި ބުނެފައިވަނީ، ކޯލިންސް ނިޔާވެފައިވަނީ އާއިލާގެ ހާޒިރުގައި ކަމަށާއި، އޭނާގެ ވަސިއްޔަތާ އެއްގޮތަށް، އާއިލާއިން އެދެނީ، އޭނާގެ ވަކިވެ ދިއުމުގެ މައްޗަށް ހިތާމަ ނުކޮށް، އޭނާގެ ހަޔާތާއިމެދު ފަޚުރުވެރިވެ، ހަޔާތުގެ މައްޗަށް އުފާ ކުރުމަށް ކަމަށެވެ. ބަޔާނުގައި އިތުރަށް ބުނެފައިވަނީ، ކޯލިންސްގެ ހަޔާތުގައި އޭނާއާއި ކުރިމަތިވެދިޔަ ހުރިހާ ގޮންޖެހުންތަކާވެސް އޭނާ ކެތްތެރިކަމާ ވިސްނުންތެރިކަމާ ހިތްވަރާއެކު ކުރިމަތި ލާފާފައިވާ ކަމަށާއި، އަދި ހަމަ އެފަދައިން ނިޔާވުމުގެ ކުރިން ކުރިމަތިވެދިޔަ އާލާސްކަންފުޅާވެސް އޭނާ ކުރިމަތި ލާފައިވަނީ އެހާމެ ހިތްވަރާއެކުގައި ކަމަށެވެ. އަދި އެދިފައިވަނީ، މި ހިތާމަވެރި ދަނިޑުވަޅުގައި، އާއިލާއިން އެދެނީ، އާއިލާއަށް ބޭނުންވާ ޕްރައިވެސީއަށް ހުރިހާ ފަރާތްތަކުންވެސް އިހުތިރާމް ކުރުމަށް ކަމަށާއި، އަދި މައިކަލް ކޯލިންސްގެ ޖަނާޒާއާބެހޭ މައުލޫމާތު ހާމަ ކުރަމުންދާނެ ކަމަށެވެ.
ކޯލިންސް ނިޔާ ވުމާއި ގުޅިގެން، އެމެރިކާގެ ޖައްވީ އިދާރާ ނާސާއިންވެސް ވަނީ ބަޔާނެއް ނެރެފައެވެ. ކޯލިންސްވަނީ 7 އަހަރު އެސްޓްރޮނޯޓެއްގެ ގޮތުގައި ނާސާގައި މަސައްކަތް ކޮށްފައެވެ.
"މިއަދު ގައުމަށް ގެއލްިގެން ދިޔައީ، ހަގީގީ ބަތަލެއް، އަދި އެސްޓްރޮނޯޓެއްގެ ގޮތުގައި އާ ހޯދުންތައް ހޯދުމަށް މުޅި ހަޔާތް ހޭދަކުރެއްވި ޚިދުމަތްތެރިއެއް،" ނާސާއިން ނެރުނު ބަޔާނުގައި ބުނެގައި ވެއެވެ.
ނާސާގެ ކުރީގެ އެސްޓްރޮނޯޓް އަދި ކޯލިންސްއާއެކު، ލޫނާ މޮޑިއުލްގައި ހަނދަށް ދަތުރު ކުރި، އެޑްވިން ބަޒް އަލްޑްރިން ވަނީ، ކޯލިންސް ނިޔާ ވުމާއިގުޅިގެން ހިތާމަ ފާޅު ކުރައްވާފައެވެ.
މައިކަލް ކޯލިންސް އުފަންވީ އިޓަލީގައެވެ. އަދި އެމެރިކާގެ ނަސާއިން ހިންގި ޖެނިމިނީ ޕްރޮގްރާމްގައި ބައިވެރިވެ، އެންމެ ފުތަމަ ކޯލިންސް ވެވަޑައިގަތީ އެއަރފޯސް ޕައިލެޓަކަށެވެ. އެއަށްފަހު މި ޕްރޮގްރާމްގެ ދަށުން ފަހުން ކޯލިންސް އެސްޓްރޮނޯނަކަށް ވެވަޑައިގަތެވެ.
ނާސާއިން ހާމަކޮށްފައިވާ ގޮތުގައި ކޯލިންސްއަކީ ޖައްވީ އުޅަދުން ބޭރަށް ނުކުމެ ޖައްވުގެތެރޭގައި އެންމެ ފުރަތަމަ މަސައްކަތްކުރި އެމެރިކާގެ 3 ވަނަ އެސްޓްރޮނޯޓެވެ. ނާސާއިން ބުނެފައިވާ ގޮތުގައި، އެޕޯލޯ 11 މިޝަންވެސް ހިމެނޭގޮތުން، މައިކަލް ކޯލިންސް ވަނީ ޖައްވުގައި 266 ގަޑިއިރު ހޭދަ ކޮށްފައެވެ.
