ކަރީނާ ކަޕޫރު ދެން އެންމެ އަވަހަށް ފެނިގެންދާނީ ކައްކާ ޝޯއެއްކަމަށްވާ "ސްޓަރ ވާސަސް ފުޑް" އިންނެވެ. މިޝޯއިން ބެލުންތރިންނަށް ކަރީނަގެ ކެއްކުމުގެ ހުނަރު ފެނިގެންދާނެއެވެ.
އެގޮތުން އިންޓަވިއުއެއްގައި ވާހަކަ ދައްކަމުން ކަރީނާ ބުނެފައިވަނީ އޭނާގެ ފިރިމީހާ ސައިފް އަލީ ޚާން އަދި ފިރިހެން ދަރިފުޅު، ބަދިގޭގައި މަސައްކަތް ކުރުމަށް ލޯބި ކުރާކަމަށެވެ.
ބަދިގޭގައި ވަގުތު ހޭދަ ކުރުމަށް ދެބަފައިން ވެސް ގަޔާވާކަމަށާއި އަދި މި ދެމީހުން ބަދިގޭގައި އުޅޭ ވަގުތުގައި އޭނާ ހުންނަނީ ލަވާއާއި މިއުޒިކާއި ހަވާލުވެގެންކަމަށްވެސް ކަރީނާ ބުންޏެވެ. އެގޮތުން މި ދެބަފައިން ކައްކަމުން ދާއިރު ޖޭޒް މިއުޒިކް އަޑުއެހުމަށް ލޯބިކުރާކަމަށް އެނާ ވަނީ ބުނެފައެވެ.
އިތުރަށް ވާހަކަ ދައްކަމުން ކަރީނާ ބުނެފައިވަނި ނިމިދިޔަ ލޮކްޑައުންގައި އެންމެން ބަނާނާ ބްރެޑް ހެދުމުގައި ބިޒީވެ އުޅުނު އިރު ސައިފް އުޅުނީ އެކިއެކި ކާއެއްޗެހީގެ އެކްސްޕެރިމަންޓް ހެދުމުގައި ކަމަށެވެ. އަދި އޭނާ ބަނޑުބޮޑު އިރު އެންމެ ކާހިތްވީ އިޓާލިއަން ކާނާ ކަމަށާއި ސައިފް އަބަދު ވެސް އިޓާލިއަން ކާއެއްޗެއް ހެދުމުގައި ބަދިގޭގައި ވަގުތު ހެދަ ކުރި ކަމަށްވެސް ކަރީނާ ވަނީ ބުނެފައެވެ.
"ސްޓަރ ވާސަސް ފުޑް" މި ޝޯވ އަކީ ޑިސްކަވަރީ ޕްލަސް އިން ގެނެސްދޭ ޝޯވ އެކެވެ. މި ޝޯގެ ޓްރެއިލާ ރިލީޒްކޮށްފައިވަނީ މި ހަފްތާގައެެވެ. ކަރީނާ ވަނީ މި ޓްރެއިލާ އޭނާގެ އިންސްޓަގްރާމުން ހިއްސާކޮށްފައެވެ.
View this post on Instagram
ޓްރެއިލާއިން ފެނިގެންދަނީ ކަރީނާ ޗީސް ގާނާ ތަނެވެ. އަދި މި ޝޯގައި އޭނާ ތައްޔާރުކުރަނީ ޕިއްޒާއެކެވެ.
މިއަދު ޑިސްކަވަރީ ޕްލަސް އިން ޕްރިމިއަރ ކުރާ މި ޝޯވގެ އެޕިސޯޑްތަކުގައި ކަރީނާގެ އިތުރުން، އިތުރު 4 ސެލެބްރިޓީއެއް ފެނިގެންދާނެއެވެ.
