ކުޅުދުއްފުށިން މިމަހު ކޯވިޑްގެ ގިނަ ކޭސްތަކެއް ފެނިފައިވާތީ ބަލި ކޮންޓްރޯލް ކުރުމަށް އިތުރު ފިޔަވަޅުތަކެއް އަޅަން ފަށާފައިވާކަމަށް ހެލްތު އިމަޖަންސީ އޮޕަރޭޝަން ސެންޓަރުން ހާމަކުރައްވައިފިއެވެ.
ކުޅުދުއްފުށިން ވަނީ ފަހުގެ ތާރީޚެއްގައި މާލެ ައިސްފައިނުވާ ފުލުހެއް ޕޮޒިޓިވްވެފައެވެ. އަދި އެނާގެ ކޮންޓެކްޓް ޓްރޭސިންގެ ތެރެއިން މިހާތަނަށް ގިނަ ބަޔަކު ދެނެގަނެވި ބައެއް މީހުން ޕޮޒިޓިވްވުމާއި ގުޅިގެން އެރަށް ވަނީ ށް މޮނިޓަރިންގެ ޙާލަތަށް ލާފައެވެ.
އެޗްއީއޯސީން ވިދާޅުވީ، ކުޅުދުއްފުށީން އިތުރު ބަޔަކު ޕޮޒިޓިވްވުމާއިި ގުޅިގެން އެރަށުގައި ބަލި ކޮންޓްރޯލް ކުރުމަށްޓަކައި އިތުރު ފިޔަވަޅުތަކެއް އަޅަމުންދާކަމަށެވެ. އެގޮތުން ކޯވިޑާއި ގުޅިގެން އެކުލަވާލާފައިވާ ޓާސްކު ފޯހާއި އެޗްޕީއޭގެ ޓެކްނިކަލް ޓީމާއެކު މަޝްވަރާތައް ކުރެވި އެރަށުގައި ޢަމަލުކުރަންވީ ގޮތުގެ އިރުޝާދުތައް ދީފައިވާކަމަށް އެޗްއީއޯސީން ވިދާޅުވެއެވެ. މިހާތަނަށް ބެލިބެލުމުން އެރަށުގައި ލޯކަލް ޓްރާންސްމިޝަނެއް ހިނގާފައިކަމަށްވެސް އެޗްއީއޯސީން ވިދާޅުވެއެވެ.
އެޗްޕީއޭގެ ތަފާސް ހިސާބުތައް ދައްކާ ގޮތުގައި ކުޅުދުއްފުށީގައި މިވަގުތު ކޯވިޑްގެ-19 އެކްޓިވް 7 ކޭސް ވަނީ ފެނިފައެވެ. އެއީ 4 ދިވެހިންނާއި 3 ބިދޭސީންނެވެ.
