ހއ. ހޯރަފުށީ މަގުތައް ތަރައްޤީ ކުރުމުގެ މަޝްރޫޢު ސަރުކާރުން މިއަދު އެމްޓީސީސީއާއި ހަވާލުކޮށްފި އެވެ.
މި މަޝްރޫޢުގެ ދަށުން، ހއ. ހޯރަފުށީގެ 11 މަގެއް 5,303 މީޓަރު ދިގުމިނުގެ ސަރަޙައްދެއްގައި ތާރު އަޅައި ތަރައްޤީ ކުރުމާއި 11,113.80 އަކަ މީޓަރުގެ ސަރަޙައްދެއްގައި ދުވާރު ހެދުމާއި، ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމުގެ މަސައްކަތް ހިމެނެއެވެ.
މިނިސްޓްރީ އޮފް ނޭޝަނަލް ޕްލޭނިންގ ހައުސިންގް އެންޑް އިންފްރާސްޓްރަކްޗަރ ގައި މިއަދު ބޭއްވި ރަސްމިއްޔާތުގައި، މި މަޝްރޫޢުގެ އެއްބަސްވުމުގައި ސޮއިކުރެއްވީ އެމްޓީސީސީގެ ޗީފް އޮޕަރޭޓިންގ އޮފިސަރ ޝާހިދު ޙުސައިން މޫސާ އާއި މިނިސްޓްރީގެ ޕަރމަނަންޓް ސެކްރެޓަރީ ޒީނިޔާ އަޙްމަދު ޙަމީދެވެ.
MTCC has signed with @MoNPHImv towards implementing Ha. Hoarafushi Road Development Project. The value of the project is MVR 71.90 million and the project is to be completed within 470 days. #MTCCProjects pic.twitter.com/DnOIDxr2Cw
— MTCC Plc (@MTCCPlc) April 8, 2021
470 ދުވަސް ތެރޭގައި ނިންމުމަށް އެމްޓީސީސީއާ މި މަޝްރޫޢު ހަވާލުކޮށްފައި ވަނީ 71.90 މިލިއަން ރުފިޔާ އަށެވެ.
