ކަރީނާ ކަޕޫރާއި ސައިފް އަލީ ޚާން އެދެމީހުންގެ ދެވަނަ ދަރިފުޅު ލިބުމަށްފަހު ދަރިފުޅުގެ ފޮޓޯއެއް މީސްމީޑިއާގައި އާންމު ކޮށްފައެއް ނުވެއެވެ. އެހެންނަމަވެސް އެ ދަރިފުޅުގެ ކާފަ، ރަންދީރް ކަޕޫރަށް ވަނީ އޮޅިގެން މި ފޮޓޯތައް އިންސްޓަގްރާމުގައި ހިއްސާކުރެވިފަ އެވެ.
މިއީ އޭނާގެ، ދެ ކާފަ ދަރިން ހިމެނޭގޮތަށް ހަދާފައިވާ ކޮލާޖެކެވެ. މި ފޮޓޯ އިންސްޓަގްރާމުގައި ހިއްސާކުރުމަށް ފަހު އެހާ ގިނަ އިރެއް ނުވެ އެނާ ވަނީ ފޮޓޯ ޑިލީޓްކޮށްފަ އެވެ. އެހެންނަމަވެސް ބައެއް ފޭނުން ވަނީ މި ފޮޓޯގެ ސްކްރީންޝޮޓް ނަގާފައެވެ. އަދި މި ފޮޓޯ މިހާރު ދަނީ ބާރު ސްޕީޑުގައި އިންޓަނެޓުގައި ދައުރުވަމުންނެވެ.
މީގެ ކުރިން ކަރީނާވެސް ވަނީ އޭނާގެ ދަރިފުޅު ފެންނަ ފޮޓޯއެއް އިންސްޓަގްރާމް ގައި ހިއްސާކޮށްފަ އެވެ. އެހެން ނަމަވެސް އެ ފޮޓޯއިން ދަރިފުޅުގެ މޫނެއް ނުފެނެ އެވެ. ކަރީނާ އާއި ސައިފްގެ ދެވަނަ ދަރިފުޅަށް މަރުހަބާ ކިޔާފައިވަނީ ފެބްރުވަރީ 12 ވަނަ ދުވަހު އެވެ.
View this post on Instagram
ދަރިފުޅުގެ ނަން ވެސް އަދި މި ދެމިފިރިން އާންމުކޮށްފައެއް ނުވެއެވެ. ސައިފް ބުނެފައިވާ ގޮތުން މި ވަގުތުގެ ހާލަތުގެ ގޮތުން އާއިލާ އަދި ރައްޓެހިންވެސް އެއްވެ އެމީހުނަށް ޒިޔާރަތްކުރުން މަދުކުރަން ނިންމާފައިވާކަމަށެވެ. އެއީ ފެތުރެމުންދާ ކޯވިޑް 19 އިން އޭނާގެ ކުޑަ ކުޑަ އާއިލާ ރައްކާތެރި ކުރުމުގެ ގޮތުންނެވެ.
