ކުރިއަށް އޮތް ލޯކަލް ކައިންސިލްތަކުގެ އިންތިޚާބުގައި ވާދަކުރަން އިތުރު ފުރުސަތު ލިބިދިނުމަށްއެދި ހައިކޯޓަށް ހުށަހެޅި ދުސްތޫރީ މައްސަލައަކީ އެކޯޓަށް ބެލުމުގެ އިޚްތިސާސްގައި ހިމެނޭ މައްސަލައަކަށް ނުވާތީ އެމައްސަލަ ބެލެންނެތްކަމަށް ހައިކޯޓުން ޙުކުމްކޮށްފިއެވެ.
މިދިޔަ އަހަރު ބާއްވަން ހަމަޖެއްސި ލޯކަލް ކައުންސިލް އިންތިޚާބު ކޮވިޑް-19 އާ ގުޅިގެން ފަސްކުރުމަށް ފަހު ހެދި ޚާއްސަ ގާނޫނުގެ ތިން ވަނަ މާއްދާ ބުނާގޮތުން ކައުންސިލް އިންތިޚާބުގައި ވާދަކުރެވޭނީ ކުރިން އިންތިޚާބަށް ކުރިމަތިލާފައިވާ ކެންޑިޑޭޓުންނަށެވެ. ގާނޫނުގެ އެ މާއްދާ ބާތިލް ކުރަން ހައި ކޯޓަށް ހުށަހެޅީ ތ. ކަނޑޫދޫ މެނީލާ، މުހައްމަދު ތަސްލީމެވެ.
މިމައްސަލައިގައި ހައިކޯޓުން ކުރި ޙުކުމުގައިވަނީ ތ.ކަނޑޫދޫ މެނީލާ، މުޙައްމަދު ތަސްލީމްގެ ފަރާތުން ދިވެހި ދައުލަތުގެ މައްޗަށް ދަޢުވާ ރައްދުވާގޮތަށް ހުށަހަޅާފައިވާ މި މައްސަލައަކީ ދިވެހިރާއްޖޭގެ ކޯޓުތަކުގެ ޤާނޫނުގެ 37ވަނަ މާއްދާއާއި ހައިކޯޓު ޤަވާއިދުގެ 25ވަނަ މާއްދާގެ ދަށުން ހައިކޯޓަށް ލިބިގެންވާ ދުސްތޫރީ މައްސަލަތައް ބެލުމުގެ އިޚްތިޞާޞްގެ ތަރަހައިގެ ތެރޭގައި ހިމެނޭ މައްސަލައެއްކަމަށް ނުފެންނަކަމަށެވެ.
މި ޙުކުމުގައި ވާގޮތުން މުޙައްމަދު ތަސްލީމްގެ ފަރާތުން މީގެކުރިން މި މައްސަލަ ސުޕްރީމް ކޯޓަށް ހުށަހެޅުމުން، އެއީ އެ ކޯޓުގެ އަސްލީ އިިހްތިސާސް ލިބިގެންވާ މައްސަލައެއް ނޫން ކަމަށް ނިންމާފައިވީނަމަވެސް، މިއީ ޤައުމުގެ އާންމު މަސްލަހަތާ ގުުޅުންހުރި މައްސަލައެއް ނޫން ކަމަށް އެ ކޯޓުން ނިންމާފައިނުވާކަމަށެވެ.
ހުކުމުގައިވަނީ އެ މައްސަލައަކީ ކޯޓުތަކުގެ ގާނޫނުގެ ދަށުން ހައި ކޯޓަށް ކޯޓަށް ބެލޭނެ ދުސްތޫރީ މައްސަލައަކަށް ނުވާތީ އެ މައްސަލަ އެ ކޯޓަށް ނުބެލޭނެ ކަމަށް އެ މައްސަލަަ ބެއްލެވި ފަސް ފަނޑިޔާރުންގެ އިއްތިފާގުން ހުކުމްކުރާ ކަމަށެވެ.
ކޮމެންޓު ފޮނުވާ