ޝިލްޕާ ޝެއްޓީ އާއި ސުނިލް ޝެއްޓީ ނަގާފައިވާ ފޮޓޯއަކާ އެކު ގިނަ ބެލުންތެރިންގެ ހިތުގައި އެތަކެއް ސުވާލުތަކެއް އުފެދިއްޖެއެވެ.
ޝިލްޕާ ޝެއްޓީއަކީ މީސްމީޑިއާ އާއި ވަރަށް ރައްޓެހި ތަރިއެކެވެ. އެގޮތުން އެންމެ އެކްޓިވްކޮށް ފާހަގަ ކޮށްލެވެނީ އިންސްޓަގްރާމުން ނެވެ.
މީގެ ދުވަސްކޮޅެއް ކުރިން ޝިލްޕާ އިންސްޓަގްރާމްގައި ހިއްސާ ކޮށްފައިވާ މި ފޮޓޯއާއި އެކުގައި ގިނަ ބެލުންތެރިންގެ ހިތުގައި ވަނީ އެތަކެއް ސުވާލުތަކެއް އުފެދިފަ އެވެ.
މި ފޮޓޯއިން ފެނިގެންދަނީ "ދަޅްކަން"ގެ ތަރިން ކަމުގައިވާ ޝިލްޕާ އަދި ސުނިލްގެ އިތުރުން އެ ފިލްމުގެ ކާސްޓިން ޑައިރެކްޓަރު މުކޭޝް ޗައްބްރާ އެވެ. މި ފޮޓޯގެ ކެޕްޝަންއެއްގެ ގޮތުގައި ޝިލްޕާވަނީ "ދޭވް، އަންޖަލީ އޮރް ޗައްބްރާ " މިހެން ޖަހާފައެވެ. މި ފޮޓޯއާއި އެކުގައި އުފެދިގެން އައި އެންމެ ބޮޑު ސުވާލަކީ "ދަޅްކަން"ގެ ސީކުއަކްއެއް އަންނީބާއެވެ؟ އެހެންކަމުން ގިނަ ބެލުންތެރިން މިހާރު ގަބޫލުކޮށްގެން ތިބީ "ދަޅްކަން"ގެ ދެވަނަ ފިލްމެއް ދާދިއަވަހަށް ފެނިދާނެ ކަމަށެވެ.
މީގެ ކުރިން އެފިލްމުގެ އަނެއް ތަރި މަހިމާ ޗޯދްރީވެސް ވަނީ ސުނިލް ޝެއްޓީއާއި އެކުގައި ނަގާފައި ވާ ފޮޓޯއެއް ހިއްސާކޮށްފަ އެވެ.
View this post on Instagram
"ދަޅްކަން" މިފިލްމަކީ ދަރްމޭޝް ދަރްޝަންގެ ޑައިރެކްޝަންގެ ދަށުން ގެނެސްދިން ކާމިޔާބު ފިލްމެކެވެ. އަދި މިފިލްމު ނިކުތް ފަހުން މިހާރު މިވަނީ 21 އަހަރުވެފައެވެ. މި ފިލްމުގެ ލީޑް ރޯލުން ފެނިގެން ގޮސްފައިވަނީ އަކްޝޭ ކުމާރް، ސުނިލް ޝެއްޓީ އަދި ޝީލްޕާ ޝެއްޓީއެވެ.
ޝިލްޕާގެ ކުރިއަށް އޮތް ފިލްމަކީ "ހަންގާމާ 2″ އަދި "ނިކަންމާ" އެވެ. ސުނިލް ޝެޓީ ފެނިގެންދާނީ އޭނާގެ ދަރިފުޅު އާހާން ޝެޓީގެ ފުރަތަމަ ފިލްމު "ތަޅަޕް" އިންނެވެ.
