ރ. ކިނޮޅޮހުގައި އުފެދޭ ކުނި މެނޭޖް ކުރުމަށް އެހީތެރިވުމުގެ ގޮތުން އެކި ބާވަތުގެ ކުނި ވަކިން އެޅޭނެފަދަ ޑަސްބިންތަކެއް ރަށުގެ އެކިސަރަހައްދުގައި ގައުމީ ބެންކުގެ އެހީތެރިކަމާއެކު ބަހައްޓައިފި އެވެ.
މިއީ ބީއެމްއެލް ކޮމިއުނިޓީ ފަންޑުގެ އެހީގެ ދަށުން ހިންގުނު ޕްރޮޖެކްޓެކެވެ. މި ޕްރޮޖެކްޓް ހިންގުމަށް ޕްރޮޕޯސަލް ހުށަހަޅާފައި ވަނީ އެރަށު ވާފިރު އަޙްމަދެވެ.
މި ޕްރޮޖެކްޓްގެ ދަށުން ރަށުގެ 5 ސަރަހައްދެއްގައި އެކި ބާވަތުގެ ކުނި އެޅުމަށް ހާއްސަ ޑަސްބިންތަކެއް ވަނީ ބަަަހައްޓާފައެވެ. މިއާއެކު މުޅި ރަށުގެ ކުނި ނައްތާލުމުގެ ޕްރޮޖެކްޓަށް އިތުރު ފުރިހަމަކަމެއް ލިބިގެންގޮސްފައި ވާކަމަށް ބީއެމްއެލުން ބުނެއެވެ.
The beautiful island of R. Kinolhas has established a proper waste management system! With the support of our Community Fund, waste sorting structures have been placed in 5 areas across the island, including the harbour, to create a cleaner landscape for the islanders. ? pic.twitter.com/atTQLbh0XU
— Bank of Maldives (@bankofmaldives) February 18, 2021
ކިނޮޅޮހުގެ ކުނިމެނޭޖްކުރުމުގެ މަސައްކަތް ކުރަމުން ގެންދަނީ އެރަށުގެ ކައުންސިލުންނެވެ. ނަމަވެސް ރަށުގެ އާންމު ތަންތަނުގައި އުފެދޭ ކުނި، ކުނީގެ ބާވަތްތައް ވަކިކޮށް މެނޭޖްކުރުމަށް އޮތީ އޮތީ ގޮންޖެހުތަންތަކާ ކުރިމަތިވެފައެވެ. މި ޑަސްބިންތަކާއެކު އެމަސައްކަތަށް ލުއިފަސޭހަކަން ވަނީ ލިބިފައެވެ.
އަހަރެންގެ ބެންކް ކޮމިއުނިޓީ ފަންޑަށް ހުށަހަޅާ ޕްރޮޕޯސަލްތަކަކީ ހިލޭ ސާބަހަށް ކުރާ މަސައްކަތްތަކާއި ތައުލީމާއި ކުޅިވަރު ހަރަކާތްތަކުގެ އިތުރުން ތިމާވެށި ހިމާޔަތްކުރުން ފަދަ ކަންކަމަށް އަމާޒުކޮށްގެން ހުށަހެޅޭ ޕްރޮޕޯސަލްތަކެކެވެ. ބޭންކުން މިހާރު ވަނީ ކޮމިއުނިޓީ ފަންޑު ދަށުން ޕްރޮޕޯސަލް ހުށަހެޅުމުގެ ފުރުސަތު އަންނަ މާރިޗު މަހުގެ 6 ވަހަ ދުވަހާ ހަމަޔަށް ހުޅުވާލާފަ އެވެ.
