ގިނަ އަންހެންކުރިންގެ ހިތްތައް ކަތިލަމުންގެންދާ ބޮލީވުޑްގެ ތަރި ޓައިގާ ޝްރޮފް އަނެއްކާވެސް، ރާއްޖޭގައި ނަގާފައިވާ ފޮޓޯއަކުން ފޭނުންގެ ހިތްތައް ކަތިލައިފި އެވެ.
ހަފްތާ ބަންދުގައި އިންސްޓަގްރާމް ސްޓޯރީއަށް ދޫކޮށްލި ފޮޓޯގައި ފެންނަނީ ރާއްޖޭގައި، ލަކުޑި ފާލަމެއް މަތީ ބަހައްޓާފައި ވާ އުނދޯއްޔެއްގައި ޓައިގާ އޮށޯވެލައިގެން އޮންނަ މަންޒަރެވެ. ޓައިގާގެ ރީތި ހަށިގަނޑު ދައްކާލައިގެން އޮންނައިރު ފަހަތުން ރާއްޖޭގެ ރީތި ވިލުނޫ މޫދާއި ދޮންވެލި ގަނޑަކާއި ނޫ އުޑު ފެންނަ ފެނުން ވަރަށްވެސް ހިތްގައިމެވެ. ފޮޓޯ އާއެކު " އާހް… ހަފްތާ ބަންދު މި އައީ" ކަމަށް ލިޔެފައި ވެއެވެ.
މިދިޔަ ހަފްތާގެ އާދީއްތަ ދުވަހުވެސް ޓައިގާ ވަނީ ރާއްޖޭގައި ސުވިމިންގ ޕޫލެއްގައި ނަގާފައިވާ ފޮޓޯއެއް އިންސްޓަގްރާމްގައި ހިއްސާކޮށްފައެވެ. "އޮންމެ އާދީއްތައެއްވެސް މިހެން ވާނެ ނަމަ" ކަމަށް ބުނެ އާންމުކިރި މިފޮޓޯއަށްވެސް މިލިއަނަކަށްވުރެ ގިނަ ލައިކްސް ވަނީ ލިބިފައެވެ.
View this post on Instagram
ޓައިގާގެ ކުރިއައަށް ހުރި ފިމްމުތަކަށް ބަލާއިރު "ގަންޕަތު" އާއި ޓައިގާގެ ފިލްމު ސީކުއަލް "ހީރޯޕަންތީ"ގެ ދެވަނަ ފިލްމު ހިމެނެއެވެ. "ހީރޯޕަންތީ 2″ މިއަހަރުގެ ޖުލައިމަހު ބެލުންތެރިންނަށް ފެންނަވަރު ވާނެ ކަމަށް ބެލެވޭއިރު، ގަންޕަތު ބެލުންތެރިންނަށް ފެންނަވަރު ވާނީ އަންނަ އަހަރު އެވެ.
