މާލެސިޓީގެ މޭޔަރުކަމަށް ވާދަކުރައްވާ ކުރީގެ ހައުސިންގ މިނިސްޓަރ ޑރ.މުޙައްމަދު މުޢިއްޒު މާލެސިޓީގެ މައްސަލަތަކަށް ޙައްލު ހޯއްދަވައިދެއްވާނެކަމަށް ވިދާޅުވެ، ހެންވޭރު ދެކުނުު ދާއިރާގެ ކުރީގެ މެންބަރު އަދި ސިޓީ ކައުންސިލްގެ ކުރީގެ މެންބަރު މުހައްމަދު އަބްދުލް ކަރީމް (ރުކުމާ) ޑރ.މުޙައްމަދު މުޢިއްޒުއަށް ތާޢީދުކުރައްވައިފިއެވެ.
ކުރީގެ ރައީސް ޢަބްދުﷲ ޔާމީންގެ ސަރުކާރުން ޢިމާރާތްކުރި7000 ހައުސިންގ ފްލެޓްގެ މައްސަލަ ބެލުމަށް މިސަރުކާރުން އެކުލަވާލި ފްލެޓްތަކުގެ މައްސަލަ ބަލާ ކޮމިޓީން، ފްލެޓް ދޫކުރި ގޮތާއި މެދު ޢާންމުންގެ ބޮޑު ކަންބޮޑުވުމެއް އުފެދިފައިވަނިކޮށް، ރުކުމާ ކުރެއްވި ޓްވީޓެެއްގައި ވަނީ ފްލެޓަށް އެދި ހުށަހެޅި ފަރާތްތަކަށް ކުރިން ދީފައިވާ ޕޮއިންޓް މަޤްބޫލު އުޒުރެއް ނުދެއްކި މަދުކޮށްފައިވާތީ އެކަމާއި ހިތްހަމަނުޖެހޭ ފަރާތްތަށް ކުރި އިހުތިޖާޖުގައި މާލެ މޭޔަރު ކެނޑިޑޭޓް ޑރ.މުޢިއްޒު ބައިވެރިވުމަކީ މާލޭ ރައްޔިތުން އެކަނި ދޫނުކޮށްލާނެ ކަމުގެ އަލިގަދަ ހެއްކެއްކަމަށް ވިދާޅުވެފައެވެ. އަދި ޑރ.މުޢިއްޒުއަށް ވޯޓް ދެއްވުމަށް ރުކުމާ ވަނީ މާލޭގެ ރައްޔިތުންނަށް ގޮވާލައްވާފައެވެ.
ނަމަވެސް ބަލިމަޑުކަމެއް ތެރޭ މިފަދަ އެއްވުންތަށް މެދުކަނޑާލުމަށް މާލެސިޓީގެ ކުރީގެ ކައުންސިލަރެއް ހައިސިޔަތުންނާއި ކުރީގެ މާލެސިޓީގެ ރައްޔިތުންގެ މަޖިލިސް މެމްބަރެއްގެ ހައިސިއްޔަތުންނާއި ހެޔޮއެދޭ ފަރާތެއްގެ ހައިސިއްޔަތުން ހުރިހާ ފަރާތްތަކަށް އިލްތިމާސް ކުރަން.
— ރުކުމާ (@RukumaA) February 12, 2021
މިސަރުކާރުން ފްލޓްތައް ދޫކުރި ގޮތާއި ގުޅިގެން ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. އަދި ފްލެޓް ދިނުމުގައި ސަރުކާރަށް ތާޢީދުކުރާ ފަރާތްތަކަށް އިސްކަން ދީފައިވާކަމަށާއި، އެންމެ ހާލުގައި އުޅޭ މީހުންނަށް ފްލެޓް ނުލިބޭކަމުގެ ޝަކުވާތަކެއް ވަނީ ފެންމަތިވެފައެވެ.
ރުކުރާ ވިދާޅުވީ، މާލޭގެ ރައްޔިތުންގެ ހުރި މައްސަލަތަކަށް ޙައްލެއް ގެނެވޭނެ މީހަކީ ޑރ.މުޢިއްޒުކަމަށެވެ. ޚާއްޞާކޮށް ބޯހިޔާވަހިކަމަށް ހައްލެއް ގެނުވައިދޭނެކަމަށް ޔަޤީންކުރައްވާކަމަށް ވިދާލުވިއެވެ.
Shukuriyya Rukuma https://t.co/U86DhBn5vV
— Dr Mohamed Muizzu (@MMuizzu) February 12, 2021
ރުކުމާގެ މި ޓްވީޓަށް މާލޭގެ މޭޔަރުކަމަށް ވާދަކުރައްވާ ޑރ.މުޢިއްޒު ވަނީ ޝުކުރު އަދާކުރައްވާފައެވެ. ޑރ.މުޢއްޒުއަށް ރުކުމާ ތާއީދުކުރައްވާފައިވާއިރު، އޭނާ ހެންވޭރު ދެކުނުު ދާއިރާގެ މެންބަރުކަމާއި، ސިޓީ ކައުންސިލްގެ މެންބަރުކަން ފުރިހަމަކުރައްވާފައިވަނީ އެމްޑީޕީގެ ހައިސިއްޔަތުގައެވެ.
އެމްޑީޕީގެ ޓިކެޓްގައ މާލޭގެ މޭޔަރުކަމަށް ވާދަކުރައްވަނީ އެޕާޓިގެ ކުރީގެ ސެކްރެޓަރީ ޖެނެރަލް އަނަސް ޢަބްދުއްޞައްތާރެވެ.
ކޮމެންޓު ފޮނުވާ