ސައިފް އަލީ ޚާން އޭނާގެ އަންހެނުން ވިހަންދެން ޗުއްޓީ ނަގާނެ ހެއްޔެވެ؟ މިސުވާލުގެ ޖަވާބަށް ސައިފު ބުނެފައިވަނީ ކީކޭކަން އިނގޭހެއްޔެވެ؟
އެލޭ އިންޑިއާގައި ކުރިޔަށް ދިޔަ އިންޓަވިއުއެއްގައި ވާހަކަ ދައްކަމުން ސައިފް ބުނެފައިވަނީ އޭނާގެ ކޮންމެ ދަރިއެއް ވިހެއުމުންވެސް ޗުއްޓީ ނަގާކަމަށެވެ. އެގޮތުން އެންމެ ދޮށީދަރި ސާރާ ވިހެއުމުން ފެށިގެން ކޮންމެ ފަހަރަކުވެސް ދަރިއަކު ލިބޭއިރަށް އޭނާ ޗުއްޓީ ނަގާކަމަށް ސައިފް ވަނީ ބުނެފައެވެ.
"ގެއަށް އާ މެހެމާނަކު އަންނަ އިރު މަސައްކަތައް ނުކުންނަން ބޭނުންވާނީ ކާކު؟ ތިމާގެ އަމިއްލަ ދަރިން ހެދިބޮޑުވެގެންދާ މަންޒަރު ނުފެނުމަކީ އަމިއްލައަށް ކުރެވޭ ވަރަށްބޮޑު ކުށެއް. އަހަންނަށް އަހަރެންގެ މަސައްކަތުތުން ވަގުތު ދެވޭނެ! ދުވާލު 9-5 އަކަށް އަދާކުރާ ވަޒީފާއެއްގައި އުޅޭ މީހެއް ނޫން އަހަރެންމީ" – ސައިފް
ސައިފް ބުނީ އޭނާ އަކީ ފިލްމީ ތަރިއެއް ކަމަށާއި، އެ މަސައްކަތް އޭނާ ކުރަނީ ވަރަށް ގަޔާވެގެން ކަމަށެވެ. އާއިލާއާއި އެކު ވަގުތު ހޭދަ ކުރުމާއި، ދަތުރު ކުރުމާއި ދަރިންބެލުމަކީ ވެސް އޭނާ ވަރަށް ކުރާހިއްވާ ކަންތައްތައް ކަމަށް ސައިފް ބުނެފައިވެއެވެ.
ސައިފްގެ އަންހެނުން ކަރީނާ ވިހާނެކަމަށް މީގެކުރިން ބުނެފައި ވަނީ މި ހިނގާ ފެބްރުވަރީ މަހުއެވެ. މިހާރުގެ އެންމެ ފަހުގެ ޚަބަރުތައް ބުނާގޮތުން މި މަހުގެ 14 ނޫނީ 15 ހާތާ ކަރީނާ ކަޕޫރް ޚާން އޭނާގެ ދެވަނަ ދަރިފުޅު އަދި ސައިފްގެ 4 ވަނަ ދަރިފުޅު ވިހާނެއެވެ.
View this post on Instagram
މިހާރު ޕެޓާނިޓީ ބްރޭކުގައި ހުރި ސައިފް އަލުން ޝޫޓިންގައި ބައިވެރިވާނީ މާރިޗު މަހުއެވެ. ސައިފް މިހާރު މަސައްކަތް ކުރަމުންދަނީ ޕްރަބާސް އާއި އެކު ފިލްމް "އަދީޕޫރަޝް"އަށެވެ.
މި ފިލްމު އުފައްދާ އޯމް ބުނެފައިވާ ގޮތުގައި ސައިފް އަކީ "ބްރިލިއަންޓް" އެކްޓަރެކެވެ. އަދި މި ފިލްމުގެ ނުބައި ރޯލު އަދާކުރުމަށް ސައިފަށްވުރެ ރަނގަޅު ތަރިއެއް ނުލިބޭނެކަމަށްވެސް އޭނާވަނީ ބުނެފައެވެ. އަދި ސައިފްއާ އެކު މަސައްކަތް ކުރުމަށް ވަރަށް ޝައުގުވާކަމަށްވެސް އޯމް ވަނީ ބުނެފައެވެ. މި ފިލްމަކީ 2022 ވަނަ އަހަރު އޯގަސްޓު މަހުގައި ނެރުމަށް ތާވަލް ކޮށްފައިވާ ފިލްމެކެވެ.
