ޤައުމީ އެއާލައިން، މޯލްޑިވިއަންގެ ފްލައިޓްތަކުގައި ފަސިންޖަރުންނަށް ބަނގުރާ ސާވްކުރަން އުޅޭކަމަށް ބުނެ ފަތުރަމުންދާ ވާހަކަތަކަކީ ކަނޑައެޅިގެން ދޮގެއްކަމަށް އެ ކުންފުނިން ބުނެފިއެވެ.
އެ ކުންފުނިން ނެރުނު ބަޔާނެއްގައި ބުނެފައިވަނީ، މީސްމީޑިއާގެ އެކި ޕްލެޓްފޯމްތަކުގައި މިހާރު ދައުރުވަމުންދާ އެފަދަ ވާހަކަތަކަކީ އެއްވެސް ޙަޤީޤަތެއް ނެތް ވާހަކަތަކެއް ކަމަށެވެ. އަދި ފްލައިޓްތަކުގައި އަލްކޮހޯލްގެ ޚިދުމަތް ދިނުމަށް އެއްވެސް ވަރަކަށް ރާވާފައި ނުވާނެކަމުގެ ޔަޤީންކަން މޯލްޑިވިއަނުން ވަނީ ދީފައެވެ.
މީގެ އިތުރުން، އެއްވެސް އަސާސެއް ނެތް މިފަދަ ދޮގު މަޢުލޫމާތުތައް މީސްމީޑިއާގައި ނުފެތުރުމަށާއި، ސައްހަކަން ކަށަވަރުނުވާ ވާހަކަތައް އާންމުންގެ މެދުގައި ޙިއްސާނުކުރުމަށް އެ ކުންފުނިން ވަނީ އާންމު ރައްޔިތުންނަށް އިލްތިމާސްކޮށްފައެވެ.
ކޮމެންޓު ފޮނުވާ